Pronomes e texto dialogado: unha análise completa

Pronomes persoais átonos: colocación

Posicións dos pronomes átonos

• En oracións negativas ou introducidas por adverbios, pronomes ou conxuncións con este valor.
• Con pronomes interrogativos ou exclamativos.
• En oracións desiderativas e subordinadas.
• Con algúns pronomes indefinidos "cada", "certo".
• Cando se tematiza unha unidade que normalmente non introduce a oración ou se lle dá énfase ao suxeito.
• Con infinitivos e xerundios, o xeral é a énclise.
• Con perífrases verbais que teñen infinitivo ou xerundio como segundo elemento, o pronome sitúase despois do auxiliar.

O texto dialogado

É o modo de relación social espontáneo máis común. Consiste na creación dun texto por medio de dous ou máis interlocutores.

Características lingüísticas e formais

• Organízase no tempo seguindo a estrutura de réplicas.
• Textos efémeros.
• Textos abertos, sen unha elaboración final nin conclusa.

Características a nivel lingüístico

• Importancia da linguaxe non verbal.
• Continuas referencias ao contexto extralingüístico, en relación co marco espazo-temporal.
• Predominio da 1ª e 2ª persoas gramaticais, referidas ao emisor e receptor.
• Emprego das tres modalidades oracionais.
• Importante uso de interxeccións, pronomes interrogativos e exclamativos.

Tipos de texto dialogado

Conversa

É o diálogo informal e espontáneo entre dúas ou máis persoas (apertura - preparación e orientación - tema - conclusión - peche).

Entrevista

Diálogo no que o entrevistador pretende acadar información do entrevistado.

Enquisa

Preténdese obter unha serie de datos sobre un tema concreto preguntándolle a varios interlocutores representativos dun sector social por idade, sexo, estudos...

Mesa redonda

Un grupo de persoas mostra a súa opinión sobre un tema ante un auditorio.

Debate

Un grupo de interlocutores discute ante un auditorio un tema sobre o cal presentan ideas diverxentes.

Rolda de prensa

Presentación dun personaxe ante os medios de comunicación para que lle fagan preguntas e expoñer o seu posicionamento.

Interrogatorio

O interrogador realízalle preguntas ao interrogado coa finalidade de esclarecer ou comprender uns feitos.