Características do Romanticismo: Sentimentos, Liberdade e Formas Literarias

O Romanticismo susténtase nos sentimentos e nas emocións.

Individualismo e subxectivismo

Por riba de calquera outra realidade está o 'eu', a propia personalidade do individuo; choca coa realidade, polo que conduce á insatisfacción, á protesta, á soidade.

Procura da liberdade

Oposición a toda norma, especialmente ás regras neoclásicas; a imaxinación é o valor supremo, o mesmo que o xenio individual e a inspiración de cada autor.

Os temas fundamentais

• Os sentimentos: os que abrollan da insatisfacción: o amor imposible, a tristura, a soidade, a melancolía, a procura da felicidade inalcanzable.
• O soño: relacionado coa imaxinación, o nocturno e a imaxe onírica.
• Mundos lonxanos, descoñecidos ou misteriosos e exóticos: debido á insatisfacción e á rebeldía contra o mundo, o choque entre a realidade e o desexo.
• A natureza e a paisaxe: a descrición da paisaxe adáptase aos sentimentos do autor; a natureza é confidente e reflicte o estado de ánimo; predominan paisaxes tristes e melancólicas ou que mostran o tormento.
• Preocupacións filosóficas: o destino, o sentido da vida, a morte...
• A reivindicación do individual: correspóndese coa valoración da lingua e da cultura de cada pobo; interese que se mostra polo pasado dos pobos e a recuperación das súas raíces; recopílanse contos, lendas, cancións...

Desde o punto de vista formal

Liberou a creación literaria da coacción das regras; condenou a teoría neoclásica dos xéneros literarios; reaccionou contra os escritores gregos e latinos como autores paradigmáticos. Desenvólvense novas formas literarias como o drama, a novela histórica ou a poesía intimista.

A linguaxe literaria abandona os artificios expresivos de orixe mitolóxica para aproximarse á realidade e á vida.

O obxectivo fundamental era conmover e excitar violentamente a sensibilidade do público, polo que se búscan novos ritmos e sonoridades, recorrendo a miúdo aos contrastes.

O Romanticismo non se dirixe a unha minoría culta: é unha arte de masas que pretende interesar a unha maioría.