Rosalía de Castro: Vida, Obra e Legado no Rexurdimento

Significación da obra en galego

Aspectos máis importantes:

• Escribe en galego para mostrar o seu interese por Galicia e polas súas xentes.
• Demostrar que o galego é válido para a expresión literaria.

Obras máis importantes

En castelán

Novelas

• El caballero de las botas azules
• La hija del mar
• Ruinas
• Flavio

Poemarios

• En las orillas del Sar

En galego

• Cantares gallegos
• Follas novas

Datos biográficos

Rosalía de Castro naceu en Santiago en 1837 e morreu en Padrón en 1885. Filla dunha liñaxe fidalga e dun crego de Iria. Rosalía ten que irse a vivir coa súa tía paterna a Ortoño. Con 15 anos marcha a Santiago coa súa nai, onde se formará no Liceo de la Juventud. Aos 19 anos trasládase a Madrid onde coñece a Manuel Murguía, co que casa dous anos despois. Tiveron sete fillos. Tiveron moitos problemas económicos e de saúde. Rosalía morre aos 48 anos na Casa da Matanza en Padrón (despois de padecer un cancro).

Cantares Gallegos

É o primeiro libro publicado en galego; con el iníciase o Rexurdimento. "O libro está inspirado en cantares populares de Galicia".

Temas

• Poemas folclóricos (festas e costumes galegos).
• Poemas que reivindican o uso do galego.
• Poemas intimistas (amor, melancolía, soidade, tristeza...).
• Algún poema comprometido (denuncia de inxustizas).

Estrutura

Consta de 35 poemas cunha estrutura circular:

• Poema I ("Cantarte hei, Galicia"): suxeito lírico, unha rapaza que ao acudir a unha romaría lle piden que cante.
• Poemas II a XXXIV: cantos da rapaza.
• Poema XXXV ("Campanas de Bastavales"): aparece a rapaza para desculparse por se os "cantos" non estivesen á altura.

Significación

Rosalía pretende borrar a imaxe negativa que se tiña de Galicia, é por iso que conta as súas belezas.

Follas Novas

É un libro máis serio e comprometido que o anterior.

Estrutura

• "Do íntimo" e "Vaguedás": poesía intimista (a dor, a morte, o paso do tempo...).
• "Da terra" e "As viúdas dos mortos e as viúdas dos vivos": poesía reivindicativa (denuncia as inxustizas que se cometen co pobo galego).

Significación

Comprometerse co pobo galego denunciando as inxustizas que contra el se cometen.