Historia da poesía galega entre 1936 e 1976

A poesía galega entre 1936 e 1976

Características xerais da poesía (1936-1976)

• Predominio de contidos paisaxísticos e intimistas.
• Escisión da nosa literatura coa que se facía en Europa, debido á censura e ao illamento de España co exterior.
• Aparición da poesía existencialista e relixiosa.
• Na década dos 60 a poesía supuxo a recuperación da poesía cívica perdida desde Ramón Cabanillas: Longa noite de pedra, de Celso Emilio Ferreiro.

Autores clave da Xeración do 36

Álvaro Cunqueiro

Publicou Mar de guerra (poemario de corte vangardista e temática mariñeira), Poemarios do si e do non (poemario de influencia surrealista e cun ton lúdico), Cantiga nova que se chama Riveira, Dona do corpo delgado (no que se distingue unha parte de carácter neotrobadoresco e outra máis intimista) e Erba aquí e acolá.

Celso Emilio Ferreiro

Autor de Longa noite de pedra (poemario que inaugurou a poesía social tras a guerra). Soubo conxugar o ton lírico, intimista e tenro co máis crítico, combativo, antifranquista, irónico e sarcástico. Gran compromiso nacionalista e lingüístico. Introduce rexistros da fala cotiá cunha finalidade humorística. Outras obras son Viaxe ao país dos ananos (ton sarcástico), Cantigas de escarnio e maldicir, Paco Pixiñas e Cimenterio privado. Como poeta intimista escribe: O soño sulagado, Terra de ningures e Onde o mundo se chama Celanova.

A Xeración das Festas Minervais

Xorde na década dos 50 grazas aos certames que se celebran en Santiago chamados Festas Minervais. Influenciados polas correntes estranxeiras, destacan:

• Maior atención á estética do poema.
• Predominio na temática chamada Escola de Tebra, presidida pola angustia e o pesimismo.

Podemos dividir os autores en dous grupos:

1. Grupo Compostelán, seguidor do galeguismo.
2. Grupo Brais Pinto, formado en 1958. Manteñen posturas máis radicais na ideoloxía política e son socialistas.

Autores das Festas Minervais

Uxío Novoneyra

Cultiva a lírica paisaxística centrada na montaña do Courel cun ton existencial. Obras: Os Eidos e Libro do Courel.

Xosé Luis Méndez Ferrín

Fundador do Grupo Brais Pinto. Obras: Voce de anebri, Antoloxía popular e Con pólvora e magnolias.

Bernardino Graña

Obras: Profecía do mar, Non vexo Vigo nin Cangas, Se o noso amor os peixes sar arriba andasen...