A Construción da Variedade Estándar do Galego

Historia da Normativización: A Construción da Variedade Estándar. Interferencias e Desviacións da Norma

A variedade estándar é unha das linguas funcionais que se dá nunha lingua histórica, o modelo común aceptado como uso normativo do código lingüístico. Corresponde ao nivel medio (ou culto) e ao rexistro formal.

Normativización Lingüística

Elaboración dunha variedade estándar de lingua que funciona como modelo de corrección idiomática nunha comunidade. Procúrase un código formal común con ortografía, gramática e dicionario. Constitúe a norma fónica, gráfica, morfosintáctica e léxica. É imprescindible nunha lingua minoritaria.

Etapas do Proceso de Normativización

Galego Popularizante (ata fins do século XIX)

Ten como fonte o galego oral. É inadecuado para os rexistros formais. Ten un cariz popularizante. Comeza a base literaria.

Galego Enxebrizante (ata 1936)

Tendencia diferencialista do castelán e exaltación da dimensión «enxebre». Procúrase un modelo de lingua escrita, sen gramática normativa nin dicionario.

Galego Protoestándar (ata fins dos 70)

Simplificación ortográfica e tendencia purista que evita o influxo foráneo. Procúrase o estándar lingüístico único para a normalización.

Galego Estándar (ata hoxe)

Procura dun galego supradialectal, fiel á lingua oral, coherente coa historia da lingua e harmónico coas linguas do seu contorno.

O estudo e a investigación filolóxica atopan solucións para as desviacións do galego escrito.

En 1982 apróbanse as Normas ortográficas e morfolóxicas do idioma galego (RAG-ILGA). Determínase o estándar do galego contemporáneo e a normativa lingüística vixente.

Interferencias Lingüísticas

Cambios nunha lingua autóctona pola influencia doutra lingua allea porque conviven en desigualdade. No galego, a meirande parte proveñen do castelán e afectan aos planos fónico, morfosintáctico e léxico.

Desviacións da Norma

As desviacións da norma sepáranse do estándar da lingua. Inclúen:

• Alteracións no vocalismo
• Metáteses
• Vulgarismos
• Dialectalismos
• Arcaísmos
• Hipergaleguismos e hiperenxebrismos