Características da Obra Literaria, Xéneros e Gramática

Características da Obra Literaria

A función poética ou estética é a función máis importante da linguaxe literaria. O emisor pretende atraer a atención do lector sobre a forma da mensaxe, e para iso emprega diferentes recursos coa intención de producir un texto. A obra literaria posúe as seguintes características:

• Intencionalidade estética: O autor ten a intención de crear un texto coa finalidade de gustar.
• Linguaxe traballada artisticamente: Emprego de palabras pouco comúns, ritmos marcados, etc.
• Dependencia entre o contido e mais a forma.
• Carácter universal: Diríxese a un público xeral.

Xéneros Literarios

Tradicionalmente, distínguense tres xéneros clásicos: lírico (poético), narrativo e teatral.

Xénero Lírico

É o conxunto de obras escritas principalmente en verso nas que o autor expresa a súa visión do mundo. As composicións poéticas contan cunha gran variedade de formas denominadas subxéneros. Na poesía culta destacan:

• Epigrama: Poema breve de carácter festivo, en moitos casos satírico.
• Himno: Composición solemne destinada a canto que expresa sentimentos.
• Elexía: Poema que expresa a dor pola morte dunha persoa querida.
• Égloga: Poema clásico que presenta de xeito idealizado o diálogo de pastores.
• Oda: Composición de exaltación, adoita empregar linguaxe elevada.

Xénero Narrativo

Textos escritos en prosa nos que unha voz narradora relata unha serie de accións que lles acontecen a uns personaxes determinados.

• Conto: Narración breve que relata acontecementos que normalmente lles suceden a uns personaxes determinados nun tempo e espazo concretos.
• Novela: Narración máis longa onde se contan distintos feitos que lles suceden a varios personaxes que son tratados máis polo miúdo.

Xénero Teatral

Os personaxes son quen desenvolven a acción mediante o diálogo.

• Traxedia: Subxénero que mostra como o ser humano se enfronta a traxedias.
• Comedia: Trata o humor, conflitos reais e cun desenlace feliz.
• Drama: Mestura elementos da traxedia e da comedia.

As Palabras e as Súas Categorías Gramaticais

As palabras son unidades da lingua que aparecen nun texto escrito entre dous espazos en branco. As súas categorías gramaticais inclúen:

• Substantivo (subs)
• Adxectivo (adx)
• Artigo (art)
• Determinante (det)
• Pronome (pron)
• Verbo (vbo)
• Adverbio (adv)
• Preposición (pre)
• Conxunción (conx)
• Interxección (interx)

Elementos do Verbo

Exemplo coa forma verbal cantaremos:

• RAÍZ (lexema): cant-
• VT (Vogal Temática): -a-
• MMT (Morfema de Modo-Tempo): -re-
• MNP (Morfema de Número-Persoa): -mos