Os Xenes: Estrutura, Replicación e Epixenética

¿De que están feitos e como se copian os xenes?

Os xenes son anacos de cromosomas onde se almacena a información que se transmite de pais a fillos. Pensábase que os cromosomas estaban formados na súa maior parte por proteínas e ADN. Os cromosomas e, como consecuencia, os xenes poderían estar formados por proteínas e ADN ou por unha mestura de ambos.

¿Que é o ADN?

Esta molécula está constituída por dúas cadeas dun elevado número de nucleótidos. Cada un deles é un conxunto formado por unha base nitroxenada (adenina, timina, guanina e citosina), un azucre e un ácido fosfórico.

¿Para que serven os xenes?

Facer copias de si mesmos para poder transmitir a información hereditaria á descendencia é unha función fundamental do xene. O código xenético é o conxunto de instrucións que serven para fabricar proteínas a partir da secuencia dos nucleótidos que constitúen o ADN. Este código determina que cada grupo de 3 nucleótidos codifica un aminoácido.

A xeración de copias inexactas é a base da evolución, xa que os seres vivos actuais somos o resultado dunhas mutacións seleccionadas por diversas causas. Como o ADN de cada persoa é distinto, as súas proteínas tamén o son, polo que os xenes almacenan información hereditaria e fabrican proteínas, que á súa vez levan a cabo a inmensa maioría das funcións vitais.

A epixenética

A epixenética é a rama da xenética que estuda que características dun individuo non están determinadas pola secuencia do ADN.

• No momento de transmitir a secuencia de letras do ADN inflúe o grao de enrolamento da cromatina do núcleo. Se un anaco de ADN está moi enrolado, quizais se inhiba a síntese dalgunhas proteínas.
• Algunhas moléculas tamén poden adherirse aos átomos que forman o ADN. Isto inhibe a expresión dalgúns xenes e inflúe na formación de algunhas proteínas.
• Hai que saber que no citoplasma celular existen proteínas e outras moléculas que tamén inflúen na síntese proteica que se produce nos ribosomas.

¿Por que se usan os virus?

Os virus teñen unha enorme capacidade para infectar as células e introducir nelas o seu material xenético dañino. Se substituímos este material polo que necesita a célula, estamos convertendo o virus nun estupendo mensaxeiro, xa que no seu interior levaría ADN, que podemos modificar.