Vocabulario Xeográfico e Meteorolóxico Galego

Glosario de Termos Xeográficos e Meteorolóxicos

Estiaxe

É o período durante o cal unha corrente de auga acada o seu caudal máis baixo.

Esteiro

Zona da costa onde desemboca un río e que queda cuberta pola preamar.

Fronte

Superficie que separa dúas masas de aire de características diferentes.

Gota Fría

Depresión ou borrasca pechada localizada na alta atmosfera, consistente nun embolsamento de aire frío, rodeado por outro máis cálido.

Humidade Atmosférica

É a cantidade de vapor de auga que contén o aire.

Insolación

É a cantidade de radiación solar que recibe a superficie terrestre.

Inversión Térmica

Aumento da temperatura do aire ao aumentar a altura, cando debería diminuír segundo o gradiente térmico normal.

Infiltración

Movemento lento de descenso das augas superficiais no solo ou nas rochas.

Inundación

Estado da corrente dun río cando as augas exceden as marxes e se estenden pola chaira de inundación.

Isobaras

Liña que une os puntos con igual presión.

Isohieta

Liña que une os puntos de igual precipitación.

Isoterma

Liñas que unen puntos con igual temperatura.

Marisma

Chaira de lama típica das baías baixas, formada polos sedimentos que achegan os ríos que as atravesan.

Microclima

Clima dunha área específica de reducidas dimensións.

Nivel Freático

Nivel superior que acada a auga subterránea nas rochas permeables.

Precipitación

Caída da auga procedente das nubes.

Presión Atmosférica

Peso da columna de aire sobre unha unidade de superficie.

Rambla

Río de leito amplo que leva pouca auga.

Rede Fluvial

Conxunto formado por unha serie de cursos fluviais xerarquizados que drenan un territorio máis ou menos extenso.

Réxime Fluvial

Evolución do caudal dun río ao longo do ano.

Réxime Pluviométrico

Distribución mensual das precipitacións dun ano.

Réxime Térmico

Distribución de temperaturas ao longo do ano.

Ría

Val fluvial asolagado polas augas do mar.

Solleiro

Zona dun relevo montañoso que está exposta ao sol de cheo.

Sotavento

Ladeira a resgardo do vento.

Tempo

Estado da atmosfera sobre un lugar nun momento determinado.

Torrente

Corrente de auga rápida.

Tropopausa

Capa que marca o límite entre a troposfera e a estratosfera.

Troposfera

Capa interior da atmosfera onde teñen lugar os fenómenos meteorolóxicos.

Umbría ou Avesío

Ladeira ou vertente que, pola súa orientación, está sempre en sombra ou recibe menor insolación.