Vocabulario de Xeografía e Administración de Galicia
Vocabulario de Xeografía
Relevo e Xeoloxía
Aluvión
Restos miúdos de rochas transportados e depositados transitoria ou permanentemente por unha corrente de auga. Poden estar compostos por area, grava, arxila ou lodo.
Foz
Val estreito e profundo, enmarcado por vertentes abruptas, causadas polos ríos.
Litosfera
Capa superficial da Terra sólida, caracterizada pola súa rixidez. Está formada pola codia terrestre e polo manto superior. É a zona onde se produce a tectónica de placas.
Meseta
Chaira elevada situada a uns 600-800 m de altitude.
Penechaira
Superficie plana ou levemente elevada, orixinada pola erosión dunha rexión montañosa.
Somontano
Terras chairas, levemente inclinadas, entre as serras interiores e o centro da depresión. Constituídos por conglomerados, materiais grosos e duros, transportados polos ríos dende os relevos montañosos.
Tectónica de placas
Teoría que establece que a litosfera está fragmentada nunha serie de placas que se desprazan sobre o manto terrestre fluido, interaccionan unhas con outras e provocan intensas deformacións que dan lugar ás cadeas montañosas, aos sistemas de fallas asociadas con elas, aos volcáns e á maior parte dos terremotos.
Vocabulario de Administración
Divisións Administrativas
Parroquia
Territorio que está baixo a dirección espiritual do párroco.
Municipio
Entidade territorial básica, formada por unha ou varias localidades e os seus territorios. A súa función é prestarlles servizos aos veciños, máis variados canto maior é a súa poboación.
Provincia
É unha entidade territorial local formada por unha agrupación de municipios. A súa función é fomentar os intereses provinciais, prestar servizos de ámbito provincial, coordinar os servizos dos municipios e cooperar con eles.
Comunidade Autónoma
Entidade territorial formada por provincias limítrofes, territorios insulares ou provincias con entidade rexional histórica.
Estatuto de Autonomía
Contén a denominación e os símbolos da comunidade; a súa delimitación territorial; os nomes, organización e sede dos seus organismos autónomos; as competencias asumidas e as bases para o traspaso doutras.