Tipos de clima e vexetación en España: Mediterráneo, Atlántico, Alta montaña e Canario
Tipos de clima e vexetación en España
Clima mediterráneo
| Mediterráneo | |
|---|---|
| Relevo | Variado, con zonas montañosas tanto próximas á costa como no interior, e amplas planicies, especialmente na meseta central e nas depresións do Ebro e do Guadalquivir. |
| Clima | Precipitacións escasas; as maiores precipitacións caen na primavera e no outono. Clima cálido, con invernos suaves (+0 ºC) e veráns cálidos (+22 ºC). |
| Ríos | Moi irregulares (cheos no outono e secos no verán). |
| Vexetación | A vexetación está adaptada ás altas temperaturas e aos longos períodos de seca. As formacións vexetais características son o bosque perennifolio e a vexetación arbustiva, formada polo maquis, a garriga e a estepa. O bosque perennifolio está formado por árbores de mediana altura, follas pequenas e coriáceas. Destacan a aciñeira, o sobreiro e o piñeiro. O maquis é a formación arbustiva densa. A garriga é menos densa e máis pequena, e a estepa é a formación vexetal propia do clima semiárido. |
Clima atlántico
| Atlántico | |
|---|---|
| Relevo | Montañoso e moi accidentado. |
| Clima | As temperaturas medias son suaves (12-14 ºC) e a oscilación térmica é baixa (9-12 ºC). As precipitacións son abundantes (+80 mm). |
| Ríos | Os ríos son curtos e teñen un réxime fluvial caudaloso e regular pola abundancia de precipitacións. |
| Vexetación | Adaptada á abundancia de humidade e ás temperaturas suaves. As formacións vexetais características son o bosque de folla caduca, ademais de especies foráneas de crecemento rápido (piñeiro e eucalipto), landa e prados. |
Alta montaña
| Alta montaña | |
|---|---|
| Relevo | Está na península Ibérica, nas serras máis elevadas dos Pireneos, Cordilleira Cantábrica, Sistema Central, Sistema Ibérico e Sistemas Béticos, a partir dos 1000 m de altitude. |
| Clima | Temperaturas baixas (media anual -10 ºC), invernos longos e veráns frescos. Precipitacións abundantes todo o ano. Cumes brancos (neve e altitude). |
| Ríos | Curtos e con subida de caudal no verán polo descenso da neve dos cumes. |
| Vexetación | Adaptada á altitude e á orientación da montaña. Barlovento: húmida; sotavento: seca. Segundo subimos, a vexetación é máis arbustiva e escasa. |
Clima canario
| Canario | |
|---|---|
| Relevo | Ten orixe volcánica e presenta formas características que son o resultado da solidificación da lava e da erosión. Destacan: macizos, caldeiras, roques, vales e cones. |
| Clima | Nas zonas baixas, as temperaturas case non varían ao longo do ano e nunca son inferiores aos 17 ºC; a amplitude térmica é escasa, non superior aos 8 ºC. As diferenzas fanse máis acusadas a medida que se asciende en altura. As precipitacións son moi escasas nas zonas baixas, inferiores a 300 mm. |
| Ríos | Practicamente inexistentes debido á escaseza de precipitacións e aos solos volcánicos, que son moi porosos e absorben a auga. |
| Vexetación | Escasa pero con gran variedade, con especies propias do arquipélago, como o drago, a palmeira canaria e o piñeiro canario. |