O Tecido Nervioso: Neuronas e Células Gliais

O Tecido Nervioso

Formado por:

• Neuronas
• Células gliais ou da neuroglía

Neuronas:

• Unidades funcionais e estruturais do sistema nervioso.
• Poden rexenerarse? Ou as perdas son irreparáveis? ... dende últimas décadas sabemos que hai rexións cerebrais nas que si hai certa neuroxénese: esperanza!
• Son células altamente especializadas, nas que se distinguen varias partes:

• Soma ou corpo celular: contén o núcleo, gránulos de Nissl (porcións do RE rugoso → proteínas). Os somas das neuronas adoitan xuntarse formando ganglios nerviosos (se están fóra do SNC) ou núcleos nerviosos (dentro do SNC).
• Dendritas (dendron = árbore): ramificacións normalmente curtas e moi numerosas, pero variables en tamaño e número. Reciben os impulsos (información) doutras neuronas
• Axón: prolongación, normalmente única e longa (até máis de 1m), que remata nunha rexión arborizada (telodendron). Cada rama do telodendron remata nun ou varios botóns que albergan as vesículas sinápticas, cheas de neurotransmisores.

• Tipos de Neuronas: Os axóns poden estar, ou non, envoltos dunha vaina protectora de mielina (substancia graxa esbrancuxada). Cada axón (+ vaina) = fibra nerviosa. Conxunto de varias fibras, envoltas por tecidos conectivos = nervios (SNP).

• Multipolar
• Unipolar
• Bipolar
• Pyramidal cell

Células da Glía:

Células Ependimarias: células ciliadas que tapizan as cavidades do encéfalo (ventrículos) e medula (conduto do epéndimo). Os cilios axudan a mover o líquido cefalorraquídeo.

Astrocitos: células de aspecto estrelado que teñen gran relación cos vasos sanguíneos, transportando substancias entre o sangue e as neuronas.

Células da Microglía: células pequenas con gran cantidade de prolongacións moi ramificadas. Fagocitan as substancias de refugallo do tecido nervioso.

Oligodendrocitos: células con poucas prolongacións, que rodean aos axóns do SNC formando vainas de mielina. Unha célula pode abarcar varios axóns. Estas vainas son ricas en lípidos → cor esbrancuxada e actúa a modo de cuberta illante electricamente (mellor transmisión do impulso).

Células de Schawnn: células cilíndricas cuxa membrana rodea aos axóns formando capas concéntricas de mielina (vainas).

-Tanto no caso dos oligodendrocitos como nas células de Schawwn, as vainas de mielina non son continuas → interrompidas por depresións = nódulos de Ranvier. A desmielinización das neuronas xera enfermidades relacionadas co SNC. Ex: esclerose múltiple.

-A vaina de mielina, ao ser illante, fai que os impulsos eléctricos se transmitan de nódulo a nódulo → condución saltatoria → maior rapidez que nas fibras amielínicas.

-No SNC si hai neuronas amielínicas = sen oligodendrocitos.

-No SNP tódolos axóns están rodeados de células de Schawwn.