A Revolución Francesa: Causas e Inicio do Novo Estado

A Revolución Francesa

A Revolución Francesa é unha das revolucións máis importantes da historia, e é a máis importante das liberais, porque significa a caída do Antigo Réxime e a aparición dun novo modelo de Estado con Constitución, división de poderes e soberanía popular.

Causas da Revolución

Causas ideolóxicas

Existía unha alternativa proposta polos ilustrados; esa alternativa tivo moi boa acollida tanto na burguesía coma no pobo.

Causas sociais

Era unha sociedade desigual onde todos tiñan de que queixarse:

• Os campesiños: porque traballaban terras que non eran deles e tiñan que pagar moitos impostos.
• Os burgueses: a pesar de ter moito diñeiro, non tiñan poder político.
• A nobreza e o clero: a pesar de non pagar impostos e cobralos, estaban arruinados.

Causas políticas

Estaban descontentos coa monarquía e co rei Luís XVI. Este monarca novo, de 20 anos, non estaba preparado para afrontar todos os problemas polos que pasaba Francia. Todos estaban descontentos, ata a nobreza, que rexeitaba as reformas que fixo o rei seguindo a moda do Despotismo Ilustrado.

Causas económicas

Esta baseábase na agricultura, un sector moi inestable, o que facía a economía moi inestable. Cando había crise de produción, subían os prezos e había fame. Ademais, o Estado estaba arruinado polos gastos da corte e pola Guerra de Independencia de EE. UU.

O estalido do conflito

Ante esta situación, o rei decide reformar os impostos para que a nobreza e o clero paguen tamén a súa taxa. Descontentos coa decisión, os nobres e o clero pídenlle ao rei que se reúnan os Estados Xerais, que non se reunían desde 1614. Luís XVI convoca a reunión para o 5 de maio de 1789 en Versalles.

Esta reunión comeza coa discusión sobre cal debía ser o sistema de votación (voto por estamento ou unha persoa, un voto). Co segundo gañaría o pobo porque, nesta nova reunión, o número de representantes do pobo era o dobre que nas anteriores. Pero este sistema de votación non se aproba pola nobreza e o clero, e continúase co tradicional.

Ante isto, os representantes do Terceiro Estado abandonan a reunión, reúnense noutro sitio e constitúen a Asemblea Nacional. Acórdase o Xuramento do Xogo de Pelota (porque estaban reunidos nunha sala de frontón), no que xuran non disolver a Asemblea ata que Francia tivera unha Constitución.

Ante esta situación, o rei intenta disolver a Asemblea, pero o 14 de xullo o pobo de París sublévase e asalta a prisión da Bastilla, onde estaban os presos políticos, e faise coas armas. A revolta esténdese por todo o país, onde os campesiños asaltan as casas e os castelos para queimar os títulos de propiedade. Así, o rei acaba aceptando a Asemblea Nacional e esta comeza a traballar dividida en dous partidos: