Reino Plantas: Estrutura, Nutrición e Reprodución

Reino Plantas

O reino das plantas está formado por organismos pluricelulares eucariotas, cuxa célula contén cloroplastos e parede celular. As plantas máis sinxelas non teñen órganos; as máis complexas sí, e posúen raíz, talo, follas e producen flores.

Órganos das plantas

RAÍZ: fixa a planta ao terreo, crece cara ao interior, absorbe auga e substancias minerais.

TALO: mantén a planta erguida, sostén as follas, os froitos e as flores. Contén condutos polos que circulan as substancias desde a raíz, as follas, etc.

FOLLAS: órganos onde a planta elabora nutrientes, poden ter distintas formas. Teñen dúas partes: limbo, parte ensanchada e plana, e pecíolo, parte que une o limbo co talo. A cara inferior do limbo é o envés e a superior é a face. No limbo aprécianse os nervios, que son condutos por onde circulan as substancias.

FLORES: conteñen os órganos reprodutores da planta: estames (gametos masculinos), pistilo (gametos femininos), corola e cáliz.

Nutrición

As plantas son autótrofas, fabrican o seu alimento mediante a fotosíntese.

Relación

Viven fixas ao solo e non se desprazan. Reaccionan ante a luz, a temperatura, a humidade e o contacto.

Reprodución

Sexual: mediante gametos, a unión dos gametos orixina unha semente e prodúcese unha nova planta.

Asexual: descendentes a partir de esporas e outras a partir de fragmentos do seu corpo.

Clasificación

As plantas con semente divídense en ximnospermas (a semente non está nun froito) e anxiospermas (a semente está nun froito). Tamén existen as plantas sen sementes.

Nutrición vexetal

A obtención de nutrientes consta de tres procesos: absorción de auga e sales minerais, absorción de dióxido de carbono e fotosíntese.

Absorción de auga

As plantas absorben auga e sales minerais disoltos a través de células da raíz chamadas pelos radicais. A mestura de auga e minerais absorbida pola raíz é o zume bruto.

Fotosíntese

O CO₂ entra na planta por uns poros diminutos chamados estomas. Xunto coa auga absorbida pola raíz, chega aos cloroplastos, onde ten lugar a fotosíntese, sempre e cando a planta reciba a enerxía e a luz que necesita.

Respiración

As plantas respiran continuamente: absorben osíxeno e utilízano nas súas mitocondrias para obter enerxía a partir dos hidratos de carbono. A respiración produce auga e un refugallo: CO₂.

Distribución de substancias

As substancias distribúense pola planta a través de tubos no interior dos talos, as ramas e os nervios das follas, chamados vasos conductores. Uns levan o zume bruto desde as raíces ata as partes verdes; outros distribúen o zume elaborado por toda a planta.

Expulsión de refugallos

As plantas expulsan refugallos de varias formas. Expulsan sobre todo por os estomas o osíxeno da fotosíntese, o CO₂ da respiración e o exceso de auga (en forma de vapor). Outras expulsan refugallos a través das follas vellas cando caen da árbore. Certos refugallos irritantes e pegajentos, como o látex ou a resina, circulan polo talo e desprendense cando se producen cortes ou feridas, desinfectando e defendendo a zona danada.