Recursos Hídricos en España: Situación e Xestión da Auga

Situación dos recursos hídricos en España

España é unha área xeográfica árida, agás nas zonas de clima oceánico, onde se superan os 1000 mm anuais. Nas zonas de interior e mediterráneas, as chuvias son escasas e irregulares, con veráns secos e unha intensa evaporación. Isto deriva na escaseza dos recursos hídricos, aínda que, en España, os recursos dispoñibles son superiores ás demandas totais, unha pequena diferenza comparada con outros países europeos. A auga é un recurso repartido desigualmente.

Distribución dos recursos hídricos

Os recursos hídricos son importantes nas confederacións do Norte, Douro, Texo e Ebro. Existe un precario equilibrio nas do Guadiana, Xúcar, Pirineo oriental e Canarias, mentres que son deficitarias as confederacións do Guadalquivir, Sur, Segura e Baleares.

Políticas e xestión da auga

• Políticas hídricas: Orientadas á obtención de auga, destacan as políticas de transvasamento motivadas pola desigual distribución dos recursos, derivando auga dun río a outro. Son necesarias obras que atopan unha forte oposición. A cesión de caudais pode ocasionar variacións nos acuíferos ou nos sedimentos. Abandonouse o Plan Hidrolóxico, que consistía nunha serie de medidas.
• Desalinización da auga do mar: É unha solución custosa que consome moita enerxía, aínda que están xurdindo novos avances que permiten minimizar estes custos. A auga obtida é de boa calidade (novas plantas para o Mediterráneo).
• Recuperación dos acuíferos: É un proceso intenso nas terras mediterráneas. A explotación de auga nos acuíferos fixo diminuír o seu nivel e provocou o desecamento total ou parcial das áreas lacustres e palustres. Nas áreas litorais, o risco é a salinización da auga dos acuíferos (non potable). A crecente urbanización, xunto coa agricultura e gandería, favorecen a filtración de augas residuais e xurros que corrompen a calidade de moitas augas. Para estes problemas, proponse inxectar auga e depurar a existente.
• Plan de saneamento dos ríos: A finalidade é reducir a deterioración das augas e acadar un bo estado ecolóxico. Supón un maior control sobre as verteduras industriais e urbanas, colectores e depuradoras para converter ríos-cloaca en ríos limpos. O Plan Nacional de Calidade das Augas busca garantir a calidade da auga, reducir, previr e tratar a produción de refugallos, acadar un nivel elevado de protección e recuperar o seu valor ecolóxico.