Ramón Cabanillas: vida, obra e etapas literarias

Ramón Cabanillas: Vida e Obra Literaria

Ramón Cabanillas nace en Cambados en 1876. Acadou o maior éxito nos anos 20 e participou nas principais empresas galeguizadoras, desde o Seminario de Estudos Galegos ata publicacións como “A Nosa Terra”, “Rexurdimento”, etc. Cabanillas é considerado como un dos poetas máis importantes da historia da literatura galega. A súa obra é moi rica e nela incorpora rexistros e temáticas pouco frecuentadas. A súa estética ten dous elementos básicos: os elementos tradicionais e os procedentes do modernismo hispanoamericano.

Etapas da Obra de Ramón Cabanillas

• Etapa Pregaleguista (1910-1915)

  Na emigración, Cabanillas publica os seus primeiros libros, “No desterro”, “Visión gallegas” e “Vento mareiro”, moi parecidos esteticamente. A temática dos poemas expresa a nostalxia do desterrado. Ademais, Cabanillas denuncia os males do foro e a miseria dos labregos. Así, publica poemas como “A Basilio Álvarez”, “Acción Galega”, “A un cacique”, etc.

• Etapa Galeguista (1916-1920)

  Nesta etapa destaca a obra “Da terra asoballada” e a segunda edición de “Vento mareiro”. Nesta etapa, Cabanillas asume o papel de poeta civil e Galicia pasa a ser o suxeito da súa poesía. Transmite as ideas centrais que caracterizan o discurso político das Irmandades e nos seus poemas loa a Rosalía e Pondal. Nesta etapa escribe tamén a obra teatral “A man de Santiña”.

• Etapa Místico-Saudosista (1921-1930)

  Nesta etapa, Cabanillas leva a cabo unha reconstrución mítica do pasado nacional. Escribe “Na noite Estrelecida”, composta por tres poemas narrativos: “A espada Escalibor”, “O cabaleiro do Sant Grial” e “O sono do rei Artur”. Nesta obra emprega unha linguaxe simbólica e misticista. Nesta época tamén aparecen poemas soltos en xornais e revistas que máis tarde se recolleron no libro “Camiños no tempo”. Tamén nesta década escribe as obras teatrais “O mariscal”, “O bendito San Amaro” e “A rosa de cen follas”, coa axuda de Antón Vilar Ponte.

• Etapa da Posguerra (1939-1959)

  Nesta época escribe “Antífona da cantiga” e “Versos de alleas terras e tempos idos” e dá a coñecer dous poemarios orixinais: “Da miña zanfona” e “Samos”.

O Teatro de Ramón Cabanillas

En canto ao teatro de Cabanillas, a súa obra máis importante é “O mariscal”. Tamén destaca a comedia “A man de Santiña”, que conseguiu elevar o galego en escena á categoría de idioma rico, fermoso e flexible.