Inmigración: Causas, Tipos e Historia en España e Galicia

Tipos de Inmigración

Inmigración controlada:

É a que figura nas estatísticas oficiais e legais dos países.

Inmigración ilegal:

Son os inmigrantes que non teñen contratos laborais nin permiso de residencia, polo que as posibilidades de atopar traballo son máis escasas e as de ser explotados por empresarios sen escrúpulos son maiores.

Causas da Inmigración

Económicas e sociais:

A falta de recursos para poder sobrevivir, a escaseza de postos de traballo, a pobreza e a miseria, os salarios baixos, a explotación laboral, etc., que a poboación sofre no seu lugar de orixe, fan que trate de mellorar a súa condición emigrando a outras rexións dentro do seu país ou a outros países e continentes.

Políticas ou bélicas:

A persecución por causas políticas, as discriminacións por razóns relixiosas, raciais ou étnicas. Os individuos que se ven obrigados a marchar do seu país por razóns políticas ou ideolóxicas son acollidos noutros países cos mesmos dereitos que os seus habitantes; son os exiliados.

Naturais:

As catástrofes naturais provocadas pola acción extrema da natureza. Entre eses desastres destacan os volcáns, os terremotos, os maremotos, as chuvias torrenciais e as inundacións. A poboación afectada por estes desastres naturais chámase refuxiados naturais.

A Emigración en España

España foi, ata hai pouco, un país pouco desenvolvido e con grandes diferenzas sociais e económicas, situación que provocou que moitos dos seus habitantes tivesen que marchar do lugar da súa orixe para mellorar as súas condicións de vida.

Etapas da emigración española

• Transoceánica: Desde finais do século XIX e ata 1930, o principal destino dos emigrantes españois foron as antigas colonias de América. Os destinos preferentes foron Arxentina, Cuba, Brasil e Venezuela. A maioría dos emigrantes eran galegos, asturianos e canarios.
• A Europa: Entre 1950 e 1973, o destino principal eran os países de Europa occidental, como Alemaña, Suíza, Francia, Países Baixos e Gran Bretaña. A maioría dos emigrantes eran de Galicia, Andalucía, Estremadura e Castela.
• Interior: Entre 1960 e 1970 produciuse o chamado éxodo rural, unhas importantes correntes migratorias das zonas rurais cara ás cidades. E, ao mesmo tempo, outras desde as provincias máis pobres cara ás máis desenvolvidas, como Madrid, Barcelona, Valencia e as provincias vascas.
• Actual: A emigración actual é máis nova e desenvolvida. A maioría son técnicos, investigadores e man de obra moi cualificada e profesionalizada, que non atopa un traballo adecuado á súa formación en España.

Galicia: Unha Terra de Emigrantes

Galicia exemplifica moi ben a evolución do conxunto da emigración española en canto ao destino e ás etapas.

Destinos da emigración galega

A emigración ao exterior:

• Emigración a América: A emigración ás repúblicas latinoamericanas, especialmente Arxentina, Venezuela e Uruguai.
• Emigración a Europa: Tras a finalización da Segunda Guerra Mundial ata 1973/75, os países europeos afectados iniciaron un proceso de reconstrución e crecemento para o que se precisaba abundante man de obra. Os principais destinos foron Alemaña, Suíza, Holanda e Bélxica.
• Emigración repartida por todo o mundo: Na actualidade, a emigración galega ao exterior continúa sendo moi importante.

A emigración no interior:

O crecemento económico que tivo lugar en España na década de 1960 fixo que moitos galegos e galegas se desprazasen a traballar nos focos industriais, como o País Vasco, Cataluña e Madrid.