A Guerra Fría: Bloques, conflitos e fases

Bloques Militares

Cada bloque creou a súa organización militar para defender as súas zonas dun posible expansionismo do bloque contrario.

Bloque Occidental: OTAN (1949)

Estaba formado polos países do Atlántico (Canadá, EEUU, Portugal...). Tiña como obxectivo defender as liberdades democráticas e salvagardar a seguridade e a estabilidade das dúas beiras do Atlántico. En 1982 únese España.

Bloque Comunista: Pacto de Varsovia (1955)

Formábano a República Democrática Alemá, Polonia, Checoslovaquia, Hungría, Romanía e Bulgaria. O seu obxectivo era a amizade, cooperación e asistencia mutua.

Os dous bloques

Ante un ataque, defenderíanse co medio que considerasen oportuno, incluso utilizando as Forzas Armadas para restablecer a seguridade.

1ª Fase da Guerra Fría: Tensión Máxima

Aínda que nunca se enfrontaron directamente, esta é unha fase de máxima tensión entre os dous bloques porque en 1949 a URSS conseguiu fabricar a bomba atómica.

Conflitos

A Crise de Berlín

Berlín foi dividida en catro zonas polos aliados. Reunificáronse os territorios alemáns co fin de crear a República Federal Alemá. Isto non lle gustou á Unión Soviética, que bloqueou Berlín, que se atopaba en territorio baixo o seu control, impedindo o abastecemento e as comunicacións cos demais territorios berlineses. EEUU, mediante Truman, atendeu as necesidades dos berlineses e ameazou a Stalin coa guerra se interceptaba a axuda. Stalin puxo fin ao bloqueo ao fracasar o seu intento de controlar toda a cidade.

A Guerra de Corea

Cando remata a Segunda Guerra Mundial e se libera o territorio asiático continental que fora invadido por Xapón, Corea divídese en Corea do Norte, cun réxime comunista e aliada da URSS, e en Corea do Sur, cun réxime anticomunista e aliada de EEUU. Corea do Norte invadiu Corea do Sur para unificar o territorio; entón, EEUU interveu co exército para evitalo. Despois negociouse a paz para evitar outra guerra mundial.

2ª Fase da Guerra Fría: Época da Coexistencia Pacífica

Negociación, diálogo e non intervención nos asuntos do outro bloque. Equilibrio de forzas militares. Novo bloque formado polos países non aliñados, que eran os que non querían pertencer a ningún dos bloques. Cambio de dirixentes: Kruschev por Stalin; Eisenhower e Kennedy por Truman.

Ocorreron os conflitos máis graves: crise de Hungría, segunda crise de Berlín, crise de Cuba, guerra de Vietnam e Primavera de Praga.

Crise de Cuba

Os norteamericanos descubren ramplas de mísiles soviéticos que poden levar armas atómicas. A tensión entre EEUU e a URSS alcanzou o máximo nivel de toda a Guerra Fría. Kennedy ordenou o bloqueo naval da illa, advertíndolle a Kruschev que retirase os seus barcos ou se formaría unha guerra nuclear. Kruschev ordenou a retirada dos barcos.

3ª Fase: Fase Final da Guerra Fría (1975-1991)

Caracterízase pola distensión, os rebrotes dos conflitos, a desaparición da URSS e o inicio dunha nova orde mundial. A URSS propón aos EEUU o desarmamento nuclear (EEUU: Reagan; URSS: Gorbachov). Isto conleva á caída do Muro de Berlín, a democratización dos países europeos do leste, a reunificación das dúas Alemañas e a disolución do Pacto de Varsovia. Establécese unha nova orde mundial baseada na hexemonía dos EEUU.