Estrutura e Competencias das Comunidades Autónomas en España

A Administración Autonómica en España

Hai 17 comunidades autónomas e dúas cidades autónomas (Ceuta e Melilla). Aprobáronse os 17 Estatutos de Autonomía das respectivas comunidades españolas. Estes estatutos son leis que establecen a súa organización política.

Cada comunidade dispón de Goberno e Parlamento propios, cuxos membros son elixidos mediante sufraxio universal nas eleccións autonómicas, e un Tribunal Superior de Xustiza.

Competencias das Comunidades Autónomas

As comunidades teñen competencias nas seguintes áreas:

• A ordenación do territorio, o urbanismo e a vivenda.
• Os medios de comunicación e transporte.
• A agricultura, a gandaría e a protección do medio ambiente.
• O turismo.
• A educación e a sanidade.

Provincias e Cidades por Comunidade Autónoma

A continuación, detállanse as provincias e principais cidades que compoñen cada comunidade autónoma:

Galicia

A Coruña, Lugo, Ourense, Pontevedra, Santiago de Compostela.

Principado de Asturias

Oviedo.

Cantabria

Santander.

País Vasco / Euskadi

Álava, Biscaia, Guipúscoa (Bilbo, Donostia-San Sebastián, Vitoria-Gasteiz).

Comunidade Foral de Navarra

Pamplona/Iruña.

Aragón

Zaragoza, Huesca, Teruel.

Cataluña / Catalunya

Barcelona, Xirona/Girona, Lleida, Tarragona.

Comunidade Valenciana

Valencia, Alacante, Castelló.

Rexión de Murcia

Murcia.

Andalucía

Almería, Cádiz, Córdoba, Granada, Huelva, Xaén, Málaga, Sevilla.

Estremadura

Badaxoz, Cáceres, Mérida.

Castela-A Mancha

Albacete, Cidade Real, Cuenca, Guadalaxara, Toledo.

Comunidade de Madrid

Madrid.

Castela e León

Ávila, Burgos, León, Palencia, Salamanca, Segovia, Soria, Valladolid, Zamora.

O Estatuto de Autonomía de Galicia

O Estatuto é a lei fundamental da Comunidade Autónoma Galega. Nel recóllense as seguintes cuestións clave:

1. O territorio que comprende a comunidade autónoma.
2. Os símbolos que identifican a Galicia: Bandeira, escudo e himno.
3. Os idiomas cooficiais.
4. As institucións e organismos de goberno da comunidade: o Parlamento, a Xunta de Galicia e o Tribunal Superior de Xustiza.
5. As competencias de Galicia sobre as que exerce un pleno autogoberno.
6. As relacións co Estado e coas demais comunidades autónomas.

As Institucións de Goberno de Galicia

O Parlamento de Galicia

Está formado por 75 deputados, elixidos por sufraxio universal cada catro anos. Representa a todos os cidadáns e exerce o poder lexislativo.

A Xunta de Galicia

Está formada polo Presidente da Xunta e os conselleiros, que se ocupan do goberno e da administración dos diversos ámbitos da vida pública: sanidade, educación, economía e facenda... Exerce as funcións executivas e administrativas.

O Tribunal Superior de Xustiza de Galicia (TSXG)

Representa o poder xudicial dentro da nosa comunidade. Ten a súa sede na Coruña.