Contrato laboral: suspensión, excedencia e despedimento

Efectos da suspensión do contrato

1º.- Describe os efectos da suspensión do contrato e sinala unha causa de suspensión.

Durante un tempo, o traballador non traballa nin cobra, pero o contrato mantense en vigor. Exemplo: folga.

Diferenzas entre excedencias

2º.- Diferenza no tratamento dunha excedencia por coidado de fillo menor de tres anos dunha de coidado de familiar gravemente incapacitado.

No coidado dun fillo, hai reserva do posto de traballo o primeiro ano e, os dous seguintes, o traballador pode incorporarse se hai unha praza vacante. No coidado dun familiar, a reserva é só para o primeiro ano.

Excedencia por cargo público

4º.- Unha traballadora é elixida concelleira do seu municipio e o desempeño do seu cargo é incompatible co horario de traballo actual. Razoa que ocorrerá co seu contrato.

O contrato suspéndese con reserva do posto de traballo durante o tempo que dure o novo cargo.

Excedencia por coidado de fillos

5º.- Un traballador decide pedir unha excedencia para o coidado do seu fillo que ten 1 ano. Ten dereito á excedencia? Cal sería a súa duración?

• Si, ten dereito.
• A duración máxima sería de dous anos (ata que o fillo cumpra 3 anos).

- Se o traballador solicita dous anos, ten dereito a reserva de posto de traballo?

Non, só tería reserva do posto de traballo durante o primeiro ano.

Excedencia por coidado de familiares

6º.- Un traballador solicita excedencia por coidado dun familiar xa que unha das súas cuñadas atópase enferma. Ten dereito á excedencia? E se fose un irmán?

A lei establece que se ten dereito a excedencia por coidado de familiares ata o segundo grao de consanguinidade ou afinidade. Un cuñado é un familiar de segundo grao por afinidade, polo que si tería dereito. Un irmán é un familiar de segundo grao por consanguinidade, polo que tamén tería dereito.

Recomendacións ante unha oferta de traballo

7º.- Un traballador recibiu unha oferta de traballo remunerado mellor que o actual. Se quere irse, que lle recomendarías?

Recomendaríalle a dimisión do traballador, avisando con 15 días de antelación para que non llo desconten da nómina.

Despedimento verbal

8º.- Un traballador é despedido verbalmente porque a empresa está pasando un mal momento económico. Que cualificación xudicial merece este despedimento?

Sería un despedimento nulo, xa que, aínda que alegue causas obxectivas, o despedimento debe ser comunicado por escrito.

Despedimento durante a baixa por maternidade

9º.- Unha traballadora é despedida mentres estaba de baixa por maternidade. O xuíz cualificou o despedimento improcedente. Que dereitos ten dita traballadora se levaba 15 anos na empresa e o seu salario día é de 30 euros?

O despedimento convértese automaticamente en nulo por ser durante a baixa por maternidade, e a traballadora ten que ser readmitida.

Exemplos de despedimentos

10º.- Pon un exemplo dun despedimento improcedente por causas obxectivas e un nulo disciplinario.

• Improcedente por causas obxectivas: O empresario alega ineptitude do traballador e non o demostra.
• Nulo disciplinario: O despedimento prodúcese por unha causa discriminatoria.

Análise dun caso de despedimento

12.- Unha traballadora recibe carta de despedimento alegando desobediencia. A traballadora demostra no xuízo que a causa real foi discriminación.

a) Tipo de despedimento explicando o motivo; dereitos da traballadora: antigüidade 15 meses e salario 80 euros.

b) Se no xuízo quedara demostrado que é inxustificada a causa e non xustificado o alegado pola traballadora, cambiaría o despedimento? Que dereitos tería tendo en conta os datos anteriores?

a) Sería un despedimento disciplinario nulo, xa que a causa real foi a discriminación. O dereito da traballadora é a readmisión.

b) Si, sería un despedimento disciplinario improcedente, xa que non se demostra a causa. A traballadora tería dereito a readmisión ou a unha indemnización máxima de 33 días por ano traballado (cun máximo de 24 mensualidades). Neste caso: 33 días/ano * (15 meses / 12 meses/ano) = 41,25 días 41,25 días * 80 euros/día = 3300 euros

Despedimento por amortización de posto de traballo

13.- A empresa comunícalle oralmente ao traballador que é despedido por amortización de posto de traballo, entregándolle a indemnización correspondente. O traballador argumenta que a causa real é a súa pertenza a un partido.

a) Tipo de despedimento explicando o motivo e dereitos do traballador; antigüidade 20 anos e salario 40 euros.

b) Se o argumentado polo traballador é probado no xuízo, cambiaría o despedimento?

c) Prazo de reclamación.

a) Sería un despedimento obxectivo nulo por defecto de forma (comunicación oral). O traballador tería dereito á readmisión.

b) Non, seguiría sendo un despedimento obxectivo, pero nulo por discriminación.

c) O prazo de reclamación é de 20 días hábiles desde a data de despedimento.

Despedimento por falta de adaptación

14.- Un banco despide o caixeiro por falta de adaptación ás modificacións operadas no seu posto, sen concederlle un período de tempo para adaptarse. Entrégalle carta e indemnización.

a) Tipo de despedimento explicando o motivo, dereitos do traballador; antigüidade 30 anos e 3 meses e salario de 50 euros.

b) Se lle concedera o tempo necesario para a adaptación e o traballador non se adaptara, cambiaría o despedimento? Cos datos anteriores, sinala o dereito do traballador.

a) Sería un despedimento obxectivo improcedente, xa que non lle deu tempo para adaptarse. O empresario elixe entre a readmisión ou a indemnización de 33 días por ano traballado, cun máximo de 24 mensualidades.

b) Si, sería un despedimento obxectivo procedente porque o traballador non se adapta. O traballador tería dereito a unha indemnización de 20 días por ano traballado, cun máximo de 12 mensualidades. Neste caso: 20 días/ano * 30,25 anos = 605 días; como supera o máximo de 12 mensualidades (360 días), a indemnización sería de 360 días * 50 euros/día = 18000 euros.