Conflito Lingüístico e Normalización: Guía Sociolingüística

Conflito Lingüístico e Equilibrio

Que é o conflito lingüístico?

O conflito lingüístico é a tensión que se produce entre dúas linguas que coexisten na mesma sociedade por asumir un maior número de funcións sociais e de falantes. Está motivado por factores históricos, políticos, sociais, económicos, etc.

É posible manter o equilibrio lingüístico?

• Non é posible manter indefinidamente no tempo unha situación de equilibrio lingüístico (o chamado “bilingüismo harmónico”) nunha sociedade con varias linguas, pois sempre remata por imporse unha lingua sobre as outras.
• Porén, tampouco se mantén indefinidamente a situación de conflito.

Resolución do Conflito Lingüístico

Dúas vías para resolver a desigualdade

1. Substitución Lingüística

   Proceso que consiste no abandono da lingua propia e a asimilación da lingua dominante. Ten tres fases:

   1. Implantación: Unha lingua foránea implántase nun territorio con lingua propia.
   2. Etapa Dixlósica: A lingua foránea asume os usos máis prestixiosos e importantes, mentres que a lingua propia queda relegada aos ámbitos familiares ou coloquiais.
   3. Abandono Total: Abandono completo do uso da lingua propia.

2. Normalización Lingüística

   Proceso que consiste na progresiva recuperación de usos e funcións dunha lingua que se atopa nunha situación de desigualdade. Baséase en definir e aplicar medidas (políticas, sociais, etc.) que teñen por obxectivo que a lingua recupere o seu uso normal na comunidade.

Funcións Sociais das Linguas

Ámbitos e niveis de uso das linguas

• Función de Identidade

  Realízaa a lingua en cada individuo, servíndolle como instrumento de articulación do pensamento.

• Función Familiar

  Desempeña un papel de relación entre os membros da familia.

• Función Laboral

  Desenvolve o seu papel no mundo do traballo.

• Función Local

  Desempeña o seu papel nos contactos cotiáns entre as persoas da mesma contorna.

• Función Institucional

  Prodúcese nos contactos entre os individuos e as entidades administrativas, políticas, sociais e culturais.

• Función Cultural

  Desenvólvese cando a comunidade usa a lingua nas súas expresións científicas, tecnolóxicas e artísticas.

• Función Internacional

  Prodúcese cando a lingua se usa fóra da súa comunidade.