Conceptos Clave Historia de España: S. XVIII, Cortes de Cádiz e Constitución

Cortes de Cádiz

Durante a Guerra da Independencia, unha xunta de deputados representante da nación. Son de carácter liberal, recoñecen a Fernando VII como rei e son unha alternativa ao Estatuto de Baiona. Elaboran leis que poñen fin ao Antigo Réxime e a Constitución de 1812.

Constitución

Lei suprema dun Estado liberal elaborada por representantes dos cidadáns reunidos nas Cortes. Debe incluír:

• División de poderes
• Declaración de dereitos e liberdades

O Século XVIII e o Antigo Réxime

Nesta época existe o chamado Antigo Réxime.

Sociedade

A poboación está organizada nunha sociedade estamental, que ten como características esenciais a desigualdade xurídica e o inmobilismo social, dividida en:

• Privilexiados: Nobreza e clero, que posúen riquezas, señoríos, teñen preeminencia social e non pagan impostos (aproximadamente o 7% da poboación).
• Non privilexiados: Tamén denominado Terceiro Estado, formado polos campesiños (a inmensa maioría da poboación), a burguesía e os artesáns. Este é un grupo heteroxéneo que soporta as cargas económicas do Estado.

Economía

A economía neste século está sostida principalmente pola agricultura. A maior parte da terra está amortizada. Así sucedía coas terras da Igrexa, os concellos ou da nobreza, en cuxos patrimonios era habitual a institución do morgado, que se estendeu tamén aos plebeos enriquecidos. Así mesmo, a nobreza e a Igrexa continuaban a ser os titulares dos señoríos. Como consecuencia de todo isto, a inmensa parte da poboación non podía acceder á propiedade.

Os que podían acceder eran os campesiños propietarios que non pagaban rendas ao señor, localizados principalmente no norte peninsular. Pero a maior parte da poboación campesiña dividíase en:

• Arrendatarios: De longa duración no norte (ata a liña do Douro) ou de curta duración de Madrid para o sur.
• Xornaleiros: Que traballaban en zonas de vide e oliveira, con emprego só 2-3 meses ao ano.

En Galicia e en Asturias, os foros eran fixos durante tres xeracións.

A artesanía e o comercio eran sectores económicos subsidiarios do mundo agrario. A industria era de tipo artesanal: o obradoiro (gremio) e o sistema a domicilio. O comercio era principalmente de tipo local (feiras e mercados) e colonial (entre a metrópole e as colonias).

Política

A política no século XVIII caracterízase polos Estados e as monarquías. En España, a dinastía reinante cambiou ao comezo do século.

A Monarquía Absoluta Borbónica

A Monarquía Absoluta impúxose a comezos do século coa Casa de Borbón, trala Guerra de Sucesión. Este foi un gran conflito no equilibrio de poder entre as potencias europeas polo nomeamento de Filipe V como rei no trono español, o cal fortalecería a influencia dos Borbóns en Europa. Rapidamente, Gran Bretaña, Holanda e Portugal, contrarias a tal situación, déronlle o seu apoio ao candidato austríaco e entraron en guerra contra Francia e España. Deste xeito, a sucesión do trono español pasou a ser un conflito internacional.

Os primeiros Borbóns, para consolidar o seu poder absoluto, estableceron os chamados Decretos de Nova Planta.