Causas da Revolución das Colonias Británicas Norteamericanas

As causas foron o descontento das colonias por razóns políticas, xa que carecían de representantes no parlamento británico; económicas, pola súa dependencia comercial de Gran Bretaña; e territoriais, porque a ocupación dos extensos territorios situados ao oeste das colonias estaba reservada aos británicos. A chispa que ocasionou a revolución foi o intento da monarquía británica en implantar novos impostos. Os colonos negáronse a aceptalos, alegando que non foran votados por eles ao carecer de representantes no parlamento. Así, en 1773, en protesta polo establecemento dun novo imposto sobre a exportación de té, organizouse en Boston o chamado motín do té, no que un grupo de colonos disfrazados de peles roxas verteron no mar a carga de té de tres buques británicos. A dura represión das autoridades británicas desencadeou a guerra da independencia.

Nomea 13 colonias da independencia das colonias británicas

• New Hampshire
• Nova York
• Pennsylvania
• Virginia
• Xeorxia
• Massachusetts
• Rhode Island
• Connecticut
• New Jersey
• Delaware
• Maryland
• Carolina do Norte
• Carolina do Sur

Declaración da Independencia

O 4 de xullo de 1776, representantes das 13 colonias, reunidos en Filadelfia, proclamaron a súa unión e a declaración de independencia dos Estados Unidos de América. Recoñécese a igualdade de todas as persoas, os dereitos á vida, á liberdade e á busca da felicidade, así como a soberanía nacional para garantilos.

Que pasou en 1781 e 1783

En 1781, o apoio francés e español permitiu a derrota dos británicos en Yorktown. En 1783 asinouse a paz de Versalles na que Gran Bretaña recoñecía a independencia dos Estados Unidos.

Constitución de América de 1787

A constitución escrita da historia establece a soberanía nacional, a división de poderes e a república federal como forma do estado:

• O estado federal dirixe a política exterior e ten competencias limitadas en política interior;
• O poder lexislativo reside no Congreso;
• O executivo no presidente;
• O xudicial no tribunal supremo.

Os estados teñen competencias internas e cada un posúe goberno, cámara lexislativa e tribunais de xustiza.

Que garante a protección dos dereitos do home?

Garante o dereito á vida, á liberdade e á propiedade, así como as liberdades de expresión, de pensamento e de relixión.

Causas sociais da Revolución Francesa

• Os nobres e o clero perderon o poder e moitos tiñan dificultades económicas debido aos seus elevados gastos.
• A burguesía carecía de influencia política.
• O campesinado atopábase en situación de subsistencia polo pagamento de impostos.
• Os grupos populares urbanos vivían en condicións miserables.

Causas económicas da Revolución

Debeu-se a unha crise de subsistencia debida ás malas colleitas dos anos anteriores e a unha crise financeira motivada polo endebedamento do estado ante os elevados gastos militares e cortesáns. A única solución era unha reforma fiscal que obrigase a pagar aos privilexiados. Ante a súa negativa, Luis XVI convocou os Estados Xerais, institucións con competencias para aprobar novos impostos, integrada por representantes dos tres estamentos. A súa convocatoria desencadeou o inicio da revolución.

Nomea as etapas da Revolución

• Estados Xerais (1789)
• Asamblea Constituínte (1791-1792)
• A Convención (1792-1795)
• O Directorio e o Consulado (1795-1799)

Estados Xerais: problemas de votación e solución

As primeiras discusións centraronse na forma de votación. O terceiro estado esixiu deliberacións conxuntas e o voto por cabeza, e non por estamentos. Ao ser rexeitada a súa petición, os seus deputados trasladáronse á sala próxima de xogo de pelota, proclamáronse representantes de toda a nación, constituíndose en asamblea nacional, e xuraron non disolverse ata ter aprobado unha constitución.

Asalto á Bastilla

Ante o temor de que o exército real disolvese a asamblea, o pobo de París amotinouse e asaltou a Bastilla para facerse coas súas armas.

A Asamblea Constituínte

Aboliu o feudalismo, nacionalizou os bens da Igrexa; redactou unha declaración de dereitos do home e do cidadán que recoñecía os dereitos de liberdade, propiedade e igualdade, e elaborou a constitución de 1791 que establecía a soberanía nacional, a división de poderes e o sufraxio censitario aos varóns que posuían certas propiedades.

Problemas da Asamblea Lexislativa

Os enfrontamentos políticos entre os revolucionarios moderados (xirondinos) e radicais (xacobinos) promovían a agitación dos grupos populares ou sans-culottes.