Aparato Dixestivo e Saúde
Aparato Dixestivo
- Boca: nela os alimentos trituranse cos dentes; sitúase a lingua, onde reside o sentido do gusto.
- Farinxe: conduto común aos aparellos dixestivo e respiratorio, cun repregamento chamado epiglote que fai de tapadeira para que non se obstruza a larinxe.
- Esófago: por el descende o bolo ata o estómago grazas aos movementos peristálticos.
- Estómago: comunícase co esófago por un orificio chamado cárdias; ten músculos moi fortes, nel vértense zumes gástricos que se mesturan cos alimentos, e únese ao intestino delgado por un orificio chamado píloro.
- Intestino delgado: tubo moi longo; as súas paredes verten zume intestinal e mediante as vilosidades intestinais absórbense os nutrientes.
- Intestino groso: tubo máis ancho ca o intestino delgado.
- Ano: parte final do tubo dixestivo pola que son expulsadas as feces.
Funcións do Sangue
- Transportar substancias: transporta nutrientes e substancias de refugo por todo o organismo.
- Regula a temperatura corporal: o sangue axuda a manter a temperatura distribuíndo a calor por todo o corpo.
- Defensa do organismo: os glóbulos brancos défendennos contra patóxenos e células tumorais; as plaquetas interveñen na coagulación sanguínea evitando que nos desangremos.
Defecación e Excreción
- Defecación: eliminación de substancias de refugo que se atopan no intestino groso polo ano.
- Excreción: proceso de expulsión ou eliminación de substancias de refugo procedentes das nosas células.
Hábitos Saudables
- Dieta sa e reducir o consumo de graxas e sal.
- Non consumir alcol e tabaco.
- Facer exercicio físico.
- Lavar as mans acotío e, sobre todo, antes de comer.
- Ducharse a diario e lavar os dentes despois de cada comida.
- Revisións médicas periódicas.
Dixestión Mecánica
- Mastigación: esgazar, cortar e triturar os alimentos inxeridos; levana a cabo os dentes e o movemento da mandíbula inferior.
- Insalivación: mesturar os alimentos xa triturados coa saliva grazas á lingua; fórmase o bolo alimenticio.
- Deglutición: consiste en facer avanzar o bolo mediante os movementos peristálticos a través da farinxe e o esófago ata o estómago.
Dixestión Química
Conxunto de procesos que transforman o alimento en nutrientes pola acción dos zumes dixestivos.
- Na boca: durante a formación do bolo, a saliva descompón os glícidos en substancias máis simples.
- No estómago: as paredes do estómago segregan zumes gástricos que actúan sobre as proteínas; a papa semilíquida restante recibe o nome de quimo.
- No intestino delgado: os zumes intestinais (segregados pola parede intestinal), a bile e o zume pancreático (do páncreas) actúan transformando o quimo; o resultado pasa a chamarse quilo, que contén auga, nutrientes e produtos non dixeridos.
Patoloxías
- Dixestivo: Carie dental, estrinximento, gastroenterite, úlceras no aparato dixestivo.
- Respiratorio: Bronquite crónica, pneumonía, asma.
- Excretor: Cólico nefrítico, cistite.
- Circulatorio: Arteriosclerose, infarto de miocardio, infarto cerebral (ictus).