Os Reis Católicos: A Unificación de España e o Estado Moderno (1479-1516)

Os Reis Católicos: 1479-1504 (1516)

Unión Dinástica e Integración Territorial

A unión matrimonial dos herdeiros das Coroas de Castela (Isabel) e Aragón (Fernando), coñecidos como Reis Católicos, título outorgado polo Papa, marcou un fito na historia de España. A nivel internacional, comezan a ser recoñecidos como reis de España.

Aínda que casteláns e aragoneses tiñan os mesmos reis, cada reino mantiña as súas peculiaridades (leis, institucións, lingua, costumes). Os Reis Católicos buscaron a unificación, impoñendo con maior ou menor éxito formas de goberno, lingua e leis comúns.

Unificación territorial: feitos destacados

• Conquista do Reino de Granada (1492): incorporado a Castela.
• Conquista e anexión do Reino de Navarra a Castela (1512), aínda que este territorio mantivo leis, institucións e privilexios propios.

Creación do Estado Moderno

Os Reis Católicos representan a Monarquía Autoritaria: buscan recuperar o poder que na época medieval estaba en mans dos nobres e impoñen a súa autoridade en todo o territorio, adoptando as seguintes medidas:

• Someten a nobres e eclesiásticos.
• Pacifican os distintos territorios.
• Exercen un maior control político, cunha administración (conxunto de funcionarios) controlada por eles.
• Crean un exército permanente, en lugar de mercenarios, para controlar os territorios e levar a cabo conquistas no exterior.
• Crean a diplomacia para manter boas relacións con outros países.
• Crean a Facenda, para obter recursos económicos.

Política Matrimonial

Os Reis Católicos casan os seus fillos con herdeiros doutros países europeos (por exemplo, Inglaterra, Portugal, Austria) para obter alianzas e illar a Francia.

Proceso de Unificación Relixiosa (defensa do catolicismo)

• Establecen o Tribunal da Inquisición (1478) para defender o dogma católico e loitar contra delitos relacionados coa fe e a moral, sobre todo de xudeus e mouriscos, con frecuencia falsos conversos.
• Expulsan os xudeus que non se bautizan (1492). Os seus descendentes: sefarditas.

Expansión

Buscaron ampliar os territorios dos seus reinos levando a cabo unha política de expansión e anexión, empregando a guerra.

No Mediterráneo: Aragón

• Fronte a Francia: recuperan Rosellón e Cerdeña (1493).
• Dominan o Reino de Nápoles (en Italia).

No Atlántico: Castela

• Conquistan algunhas prazas no norte de África.
• Conquistan as Illas Canarias (1496).
• Comezan o descubrimento e conquista de América (desde 1492).