A Realidade: Conceptos e Cosmovisións en Filosofía

A Realidade: Conceptos e Definicións

Realidade:

• Continxente: cando nos referimos a algo que é actualmente, pero pode deixar de ser e puido non ser unha realidade.
• Necesario: que se define como o absolutamente real; é dicir, como o que existe e non pode non existir, deixar de existir nin ser doutra materia.
• Cousas naturais: son as propias da natureza.
• Cousas artificiais: son producidas pola intervención humana.
• Realidade virtual: para referirse ao conxunto de percepcións e sensacións xerais coa axuda dun soporte técnico, como pode ser un ordenador, a televisión ou tamén un libro.
• Realidade física: en ocasión chamamos real ao que percibimos a través dos sentidos: a realidade sensible ou física. Cantos máis sentidos perciban a presenza dun obxecto, máis probable é que o consideremos real.
• Realidade psíquica: tipo real propio dos nosos pensamentos, imaxinación, desexos, ideas, recordos, dúbidas, etc.

Conceptos Relacionados

Cosmoloxía: disciplina científica, moi ligada á astronomía, á física e ás matemáticas, que se ocupa principalmente de construír modelos do universo que sexan coherentes cos datos astronómicos que posuímos.

Cosmogonía: cando unha visión do universo implica elementos míticos ou achegas relixiosas, adoita falarse dunha cosmogonía e en cada cultura ou en cada época histórica pode incluir elementos moi diferentes.

Cosmovisión: unha cosmovisión, entendida como paradigma, non é só un conxunto de hipóteses ou teorías científicas, senón unha determinada forma de ver o mundo propia dunha cultura e época concretas.

Cosmovisión Aristotélica

Cosmovisión Aristotélica: para el, o universo é finito e eterno. Está formado por oito esferas principais concéntricas, introducidas unhas dentro das outras, e no centro está a Terra. Por iso afirmamos que a súa cosmovisión é xeocéntrica.

O universo de Aristóteles está dividido en dúas grandes rexións:

• Mundo supralunar: formado por esferas dos planetas coñecidos, a esfera das estrelas móbiles e finalmente a esfera das estrelas fixas.
• Mundo sublunar: que se estende desde a esfera da Lúa ata o centro onde se encontra a Terra, está formado por catro elementos. Nel prodúcense cambios, é dicir, os seres vivos do mundo sublunar nacen e perecen. A multiplicidade de seres, vivos e inertes, constitúe a natureza.

Segundo Aristóteles, todos os seres naturais tenden a realizarse de acordo co fin que a natureza lles impón para alcanzar a perfección que é propia da súa especie.