Razón e Fe en Santo Agostiño: Unha Síntese Cristiá
As Novas Ideas Fronte ao Mundo Grego
Os autores cristiáns utilizaron a filosofía grega para difundir, sistematizar e xustificar a súa mensaxe. Porén, había elementos da doutrina cristiá que chocaban coa visión da realidade da filosofía grega.
Ontoloxía
O choque producíase nas distintas concepcións sobre a Natureza e o Ser. Para a filosofía grega era inconcibible que o principio de todo ser intervise activamente na constitución do sensible, que se puidese dar unha creación desde a nada, que a historicidade do Creador chegase ao extremo da Encarnación, etc.
Antropoloxía
O choque prodúcese na concepción do ser humano, na nova imaxe do ser humano que xera o cristianismo. Para os gregos, os humanos caracterizábanse como entes naturais e para os cristiáns o que nos distingue é o feito de ser creados por Deus. O ser humano é libre e a liberdade da vida humana leva ao mal. Para os gregos o mal é a ignorancia e para os cristiáns é o pecado.
Epistemoloxía
O tema principal é a verdade. Esta leva consigo o tema da capacidade humana para acceder a ela. Para os gregos a razón é a facultade máis importante e para a relixión é a fe.
Razón e Fe en Santo Agostiño
A razón e a fe son importantes en Santo Agostiño. Cando falamos de fe referímonos á fe cristiá e coa palabra razón falamos dun xeito de coñecer para o que a intelixencia humana non precisa axuda especial; con ela o ser humano válese das súas propias forzas e non precisa axuda divina. Para Santo Agostiño, fe e razón compleméntanse, xa que a intelixencia prepara a alma para que se dispoña a aceptar a fe e despois esta ilumina a intelixencia para que a alma consiga comprender máis profundamente. Cando Santo Agostiño fala de verdade, pensa na verdade cristiá, que é precisa para coñecer en profundidade as cousas. Santo Agostiño di que non vale só coa razón para achegarse á verdade, xa que a fe é o camiño necesario para chegar á sabedoría. Sendo estas diferentes, conviven no ser humano. A fe limpa os ollos da alma e elévaa por riba das cousas sensibles.
O Conflito entre Razón e Fe
En tempos de Santo Agostiño non existe o conflito. Para el, o coñecemento máis elevado é a sabedoría e a ela contribúen e serven indistintamente a razón e a fe. A primeira non pode contradicir a segunda. Para Santo Agostiño, a fe é a primeira en canto é condición necesaria para poder entender.