Glosario de Termos Históricos: Reconquista e Feudalismo
Glosario de Termos Históricos
Carta de Poboamento
Documento de privilexios outorgado por un rei ou señor feudal a un conxunto de poboacións como compensacións pola ocupación dese territorio durante a Reconquista.
Manso
Nome do terreo cedido polo señor feudal ao campesiño para o seu cultivo durante o feudalismo. A cambio, o campesiño debía pagar unha renda que, por exemplo, podía ser parte da colleita, traballo na reserva do señor ou cartos.
Marca Hispánica
Condados dependentes dos francos ao sur dos Pireneos que eran a fronteira entre o Imperio Carolinxio e Al-Ándalus. No século IX deron orixe aos reinos de Navarra e Aragón, quedando reducida aos condados cataláns, o que explica que tradicionalmente se asocie con eles.
Mesta
Institución fundada en 1237 por Afonso X de Castela para defender os intereses da gandería ovina en prexuízo das actividades agrícolas. O Honrado Concello da Mesta procuraba favorecer a cría de ovella merina da que se obtiña unha reputada la. Foi desmantelada en 1836 no marco das reformas liberais.
Mozárabe
Cristiáns que permaneceron nas terras de Al-Ándalus baixo o dominio islámico. Aínda que existía certa tolerancia, facían fronte a impostos especiais, razón polas que se rebelaron con frecuencia e algúns emigraron cara aos territorios cristiáns, especialmente durante a repoboación do norte do Duero.
Presura
Modalidade de repoboación dos séculos X e XI pola que se obtiña a propiedade da terra mediante a súa ocupación. Os reis fomentárona por medio de cartas de poboamento e deu como resultado aldeas e pequenas vilas de campesiños libres no val do Duero e no sur dos Pireneos (coñecida como aprisio).
Taifas
Denominación dada aos pequenos reinos que se formaron a partir das antigas provincias do Califato de Córdoba logo da súa disgregación en 1031. A súa fraxilidade favoreceu o avance dos reinos cristiáns, aos que pagaban tributos (parias) para evitar ataques. De entre arredor das trinta taifas destacaron a de Zaragoza e Sevilla.