Glosario de Termos Históricos de España: Restauración e Ditadura

Glosario de Termos Históricos

Ludismo

Primeira forma de manifestación obreira que se deu na primeira fase da Revolución Industrial, consistente na destrución da maquinaria dentro dunha fábrica.

Caciquismo

Sistema que foi implantado de forma xeneralizada no ámbito rural. É a práctica política que tivo o maior auxe durante a Restauración Borbónica, utilizando na maioría das veces o uso de favores persoais a cambio do apoio a un candidato oficial ou o fraude electoral.

Desastre de Annual

Derrota militar española producida na guerra colonial de Marrocos ante os rifeños comandados por Abd el-Krim.

Directorio Militar

Primeira etapa da ditadura de Miguel Primo de Rivera. O Directorio está integrado exclusivamente por militares, presidido polo ditador. Tiña función de asesoramento en materia de goberno e na promulgación de decretos que tiñan forza de lei.

Encasillado

Proceso polo que o ministro de Gobernación coloca nas cuadriculas correspondentes a cada distrito electoral os nomes dos candidatos tolerados polo goberno.

Expediente Picasso

Informe redactado por Juan Picasso que relata os feitos ocorridos na comandancia de Melilla no verán de 1921 durante o Desastre de Annual.

Pucherazo

Método de manipulación electoral usado principalmente na Restauración Borbónica para permitir a alternancia pactada previamente entre o Partido Conservador e o Partido Liberal, dentro do sistema de dominación política local, o caciquismo.

Rexeneracionismo

Corrente intelectual, política e literaria caracterizada pola análise dos males do país e a súa crítica aos vicios do sistema da Restauracionen ao propósito de renovar e modernizar a vida política e económica de España.

Semana Tráxica de Barcelona

Semana de verán en Barcelona na que ocorreron feitos violentos ante o decreto do goberno de Antonio Maura de mobilizar aos reservistas á guerra de Marrocos. Os sindicatos paralizaron a cidade durante unha semana debido á convocatoria dunha folga xeral.

Sistema de Quenda

Alternancia pacífica no goberno debido ao mutuo acordo entre as forzas monárquicas durante a Restauración Borbónica. O sistema baseábase en que cando o partido gobernante sufrira un desgaste político, a Coroa nomeaba como presidente de goberno ao xefe da oposición.

Unión Patriótica

Agrupación creada por Miguel Primo de Rivera durante a ditadura. Esta asociación oscilou entre un movemento de apoio e propaganda á ditadura sen un significado político concreto e o partido único do novo réxime que pretendía ter semellanzas co fascismo italiano.