Glosario de Termos Arquitectónicos: Gótico e Románico

Glosario de Termos Arquitectónicos

Arcobotante

Arco que transmite o empuxe das bóvedas a un contraforte situado no exterior do edificio. É un elemento típico da arquitectura gótica.

Arco Apuntado

Arco moi utilizado no período gótico, formado por dous segmentos de círculo de igual radio e inferiores a un cuarto de circunferencia. Trátase dun arco de dous centros, co intradorso formando ángulo na clave.

Arco de Faixa

Arco que, sobresaíndo do intradorso da bóveda, corta esta en sentido transversal ao eixe, e serve para reforzala.

Arco Formeiro

Arco que é paralelo ao eixe lonxitudinal da nave e que serve, conxuntamente coa columna ou piar sobre o que apoia, para unir e, á súa vez, separar naves contiguas.

Arquivolta

Cada unha das molduras de perfil curvo que, a modo de arcos concéntricos en serie decrecente, conforman a frontal dun van abucinado.

Ciborio

Torre de planta cadrada, circular ou octogonal, saínte ao exterior e situada sobre o cruceiro dunha igrexa, para iluminar o seu interior.

Clave (dun arco)

Doela central en forma de cuña, que serve para pechar un arco.

Contraforte

Elemento arquitectónico vertical unido ao muro para reforzalo ou contrarrestar os empuxes dunha bóveda ou arco.

Deambulatorio

Corredor semicircular dunha igrexa que serve para que transiten por el os fieis e visitantes sen dificultar a celebración litúrxica. Atópase rodeando o presbiterio ou capela maior, prolongando e unindo as naves laterais entre si.

Estatua-columna

Estatua adosada ao fuste dunha columna, frecuente nas portadas do románico e do gótico.

Iconografía

A iconografía pode referirse a:

• A disciplina que estuda e documenta as características das imaxes e figuras utilizadas, ou o tema dunha pintura, estatua, monumento, etc., e dos atributos que a acompañan e identifican.
• O termo para designar a presenza recorrente dun tema, cun certo número de elementos e imaxes constantes.

Parteluz

Columna que divide verticalmente en dúas partes un van.

Perspectiva Xerárquica

Aquela que ordena os personaxes en función do seu status social, atribuíndo un maior tamaño a aqueles que ocupan unha posición xerárquica preeminente. Non se trata, por tanto, dunha perspectiva realista.

Rosetón

Van circular grande, constituído por unha grella de pedra calada, decorado con vidreiras e tracería. Moi característico das igrexas góticas.

Triforio

Galería estreita, de carácter máis ornamental que funcional, no interior das igrexas góticas, aberta nos muros da nave central, e constituída por vans ornamentados e separados por maineis.