Glosario e Causas da Primeira Guerra Mundial

Glosario de Termos da Primeira Guerra Mundial

• Tripla Alianza: Alianza entre o Imperio Austrohúngaro, Alemaña e Italia.
• Triplo Acordo: Acordo entre Francia, Rusia e Gran Bretaña.
• Liga Balcánica: Serbia, Bulgaria, Grecia e Montenegro.
• Plan Schlieffen: Plan alemán que prevía atacar a través de Bélxica e Luxemburgo.
• Sociedade de Nacións: Organización que debía garantir a paz no futuro e fomentar a cooperación entre estados.
• Kulaks: Medianos propietarios que se enriquecían acumulando terras.
• Bolxeviques: Propugnaban un novo tipo de partido máis minoritario, cunha organización ríxida e centralizada, integrado por unha elite de revolucionarios disciplinados dispostos a tomar o poder pola forza.
• Menxeviques: Partido de masas que seguía as directrices da Segunda Internacional.
• Duma: Parlamento en Rusia.
• Soviets: Comités revolucionarios de obreiros, campesiños e soldados.
• Tratado de Brest-Litovsk: Tratado entre Rusia e Alemaña no que se aceptaban as esixencias de Alemaña.
• Rusos Brancos: Partidarios da antiga orde.
• Exército Vermello: Exército creado polos bolxeviques.
• NEP: Nova Política Económica.

Enfrontamentos Imperialistas: Causas da Primeira Guerra Mundial

Alemaña tamén rivalizaba con Francia e Gran Bretaña polo dominio das colonias extraeuropeas e aspiraba a converterse nunha potencia colonial africana. Alemaña pretendía intervir en Marrocos e iso chocou cos intereses das potencias instaladas alí. Dous momentos de tensión fixeron presaxiar unha guerra inminente:

Primeira Crise Marroquí

O káiser ofreceulle apoio militar a Marrocos para resistir as presións francesas. Para resolver o conflito convocouse a Conferencia de Alxeciras, que estableceu un protectorado compartido entre España e Francia e frustrou as aspiracións alemás.

Segunda Crise Marroquí

Alemaña non se resignou a ser excluída da zona. O goberno de Berlín enviou barcos de guerra ao porto de Agadir baixo o pretexto de protexer os súbditos alemáns que vivían na zona. Aínda que Gran Bretaña apoiou a Francia, Alemaña exerceu presión e acabou conseguindo a ampliación da súa colonia de Camerún a cambio de abandonar Marrocos.