Funcións da Lingua, Diglosia e Normalización do Galego
As funcións da lingua, conflito e diglosia. Estereotipos e prexuízos lingüísticos
Función de identidade: articulación do pensamento no individuo
Función familiar: relacionarse con membros dunha familia
Función laboral: comunicación no mundo do traballo
Función local: posibilita os contactos entre individuos do mesmo contorno
Función institucional: comunicacións entre cidadáns e institucións
Función cultural: serve como medio para expresar os saberes da cultura en xeral
Función internacional: relacionar individuos de distintas nacionalidades
Diglosia e conflito lingüístico
Diglosia: uso regulado de dúas linguas no seo dunha comunidade. Tipos:
D. funcional: cando unha das linguas serve para funcións distintas
D. abstracción: cando o uso das linguas está en relación coa posición dos grupos dominantes. En Galicia existe unha marcada diglosia xa que o galego e o castelán compiten por desempeñar todas as funcións posibles.
Estereotipos e prexuízos lingüísticos
Os prexuízos lingüísticos son xuízos de valor que consisten en presentar trazos negativos sobre unha lingua. Outros estereotipos fan referencia ao galego normativo como lingua artificial e ao galego como marca ideolóxica.
Historia da normalización: Construción da variedade estándar, interferencias e desviacións da norma
A normativización: elaboración dunha ortografía, dunha gramática e dun dicionario do idioma para establecer unha variedade común ou estándar.
O estándar: lingua propia da comunicación escrita, dos rexistros cultos, dos formais e dos medios de comunicación. É unha variedade convencional, resultado dun proceso de normativización da lingua que é usada e aceptada polos falantes como o uso correcto e normativo do código lingüístico. Dúas fases:
- Selección e Fixación: actuacións destinadas a fixar unha norma que permita a comprensión entre todos os falantes.
- Expansión e Cultivo: intento de estender a lingua a novos ámbitos.
No proceso de normalización do galego existiron 4 etapas:
- Galego popularizante (fins sec. XIX)
- Galego enxebrizante (ata 1936)
- Galego protoestándar (ata 1970)
- Galego estándar (ata hoxe)
Interferencias e desviacións da norma
Interferencias lingüísticas: cando as linguas inflúen unhas sobre outras. Tipos:
- Sistema fonolóxico con cinco vocais en vez das sete do galego
- Mala diferenciación entre /S/ e /X/
- Non distinción entre /N/ e /NH/
- Entoación semellante ao castelán
- Emprego do reflexivo dos verbos que o galego non admite
- Ausencia do artigo en expresións
- Confusión do xénero das palabras
- Tempos compostos con haber
- Abundantes castelanismos
- Desviacións da norma: arcaísmos, vulgarismos, hipergaleguismos e lusismos
- Alternancias de código