A Empresa e a Produción: Especialización, Coordinación e Globalización
A Empresa e a Produción Económica
Consecuencias da Especialización do Traballo
O proceso de especialización ten a vantaxe de aumentar a produtividade, polo tanto, incrementa a cantidade de bens e servizos que produce un país. A división do traballo xera unha interdependencia entre as persoas que forman unha sociedade. A división do traballo permite progresar economicamente a cambio dunha enorme dependencia duns individuos respecto a outros.
Interdependencia e Necesidade de Coordinación
Canto máis se desenvolve a división do traballo nunha sociedade, máis complexos son os seus mecanismos de intercambio e, polo tanto, máis necesidade haberá de organizalos.
Coordinación dos Factores de Produción
Para cubrir as nosas necesidades é imprescindible poñer de acordo e coordinar múltiples especialistas, contratar maquinaria e equipos adecuados e adquirir as materias primas que se requiren. Por iso, cómpre que existan empresas que leven a cabo esa tarefa de coordinación. A primeira función consiste en coordinar os factores de produción co obxecto de producir os bens e servizos que necesitamos.
A Utilidade dos Bens
Clave: Capacidade que teñen os bens para satisfacer necesidades humanas.
Creación e Aumento da Utilidade dos Bens
As empresas engaden valor aos bens. A medida que son máis útiles, increméntase o seu valor e o prezo que se está disposto a pagar por eles.
O Valor Engadido dunha Empresa
É a diferenza entre o valor dos bens producidos e o custo das materias primas e produtos intermedios que se empregan para a súa produción.
As Economías de Escala
As economías de escala obtéñense ao diminuír os custos medios a medida que crece a empresa e aumenta a cantidade de produción.
A Internacionalización da Empresa
O proceso de globalización das empresas globais ou multinacionais, que operan en mercados cada vez máis amplos, con fortes economías de escala e que producen para un consumo masivo.
As Empresas Multinacionais (EME)
A medida que as empresas crecen, convértense nunha influencia sobre o medio no que actúan, producindo efectos externos que ás veces son beneficiosos para a sociedade (beneficios sociais) e ás veces prexudiciais (custos sociais).