O Barroco: Arte, Ciencia e Sociedade no Século XVII

A mentalidade barroca é unha etapa cultural de Occidente que abrangueu o século XVII e boa parte do XVIII. O enfrontamento relixioso provocou un cambio na mentalidade, caracterizada polos sentimentos exaltados. Nos países protestantes, esta mentalidade manifestouse de xeito particular.

Características da cultura barroca

Brillaron todas as ramas da cultura. Os artistas barrocos querían representar a realidade tal como era. Tamén desexaban espertar fortes sentimentos no espectador. A literatura alcanzou un dos seus momentos de esplendor, destacando o Século de Ouro.

A Revolución Científica

Triunfaron en Europa novos métodos de coñecemento. Os científicos e pensadores do Barroco defendían que a verdade podía alcanzarse a través da experimentación (empirismo) e do uso da razón. Os 3 científicos máis importantes foron:

• Galileo: confirmou a teoría heliocéntrica de Copérnico, segundo a cal a Terra xiraba arredor do Sol.
• Kepler: formulou as leis que rexen as órbitas dos planetas.
• Newton: estableceu a lei da gravitación universal, que explicaba o movemento dos planetas no universo.

A Arquitectura Barroca: Características

Os edificios barrocos construíanse co obxectivo de chamar a atención dos viandantes:

• O uso de liñas curvas e de columnas en espiral.
• A creación de efectos luminosos nas fachadas.
• A abundancia de decoración e adornos nas fachadas.
• O uso de materiais ricos e rechamantes.

Roma: A Capital do Barroco

Foi a cidade onde naceu o estilo barroco. En plena aplicación da Contrarreforma, os papas decidiron restaurar Roma. A remodelación da cidade consistiu na construción de grandes igrexas de novo estilo barroco. Gian Lorenzo Bernini foi o arquitecto elixido polos papas. Deseñou a Praza de San Pedro e o Baldaquino no interior da Basílica.

A Expansión do Barroco

A arquitectura barroca estendeuse pronto por case todo o continente. En España caracterizouse pola abundante decoración. Un aspecto típico do Barroco español foi a construción de prazas maiores. En Francia caracterizouse polas liñas rectas e unha decoración menos abundante, entre as que destacou o Palacio de Versalles.

A Praza e a Basílica de San Pedro

Roma era a capital do catolicismo e pretendía ser o centro da cristiandade. A Praza e a Basílica de San Pedro eran o centro de Roma. A Basílica, iniciada a comezos do século XVI e deseñada por algúns dos máis importantes arquitectos, e a Praza de San Pedro son a obra máis importante do estilo barroco. O proxecto levouno a cabo o máis grande dos arquitectos barrocos, Gian Lorenzo Bernini.

A Pintura Barroca

Tivo unha serie de características:

• Triunfou o realismo.
• Os cadros mostraban escenas cheas de movemento e forza.
• Os personaxes estaban cheos de sentimentos.
• Os temas foron moi variados: asuntos relixiosos, escenas mitolóxicas, momentos de vida cotiá, etc.