Técnicas de defensa contra a erosión do solo e produción mundial de cereais

Técnicas de defensa contra a erosión e produción de cereais

Técnicas de defensa contra a erosión

Dispoñemos de tres tipos de técnicas de defensa:

• Cuberta do solo mediante vexetación (un factor decisivo contra a erosión, de non deixar nunca o solo desnudo). Por outro lado, temos diversas cubertas:
  • A: de vexetación viva.
  • B: de vexetación morta.
  En ambos os dous casos é posible a sementeira despois.
• Cultivo segundo as curvas de nivel (contouring): poden ser cun agrupamento de liñas de sementeira ou só nunha liña de sementeira. Se comparamos as perdas de terra en millo segundo o sentido da pendente ou as curvas de nivel, podemos destacar que a maior lonxitude de parcela, maiores son as perdas de terra (t/ha); mais se comparamos a lonxitude da parcela (a mesma en ambos os dous casos) para pendente e curvas de nivel, as perdas de terra en curvas de nivel son nulas.
• Cultivos en bandas alternantes (strip-cropping): son para pendentes de ata o 10 % en climas agresivos (tipo mediterráneo) ou ata o 20 % se o solo está ben drenado e é pouco sensíbel á erosión. A evolución do cultivo en bandas alternantes son a revexetación e a xeración de ribazos.

Situación do mercado mundial

Desde o ano 2002 ata o ano 2012, a área cosechada de cereais aumentou levemente, e o rendemento por hectárea tamén (por exemplo, no trigo pasou de producir de 2,72 t/ha a 3,11 t/ha en 2012). De media, os cereais pasaron de producir 3,08 t/ha a 3,62 t/ha. A demanda de rego por parte dos cereales non é das máis altas. O trigo e a cebada pódense cultivar en secano (2000-2900 kg/ha), mais en regadío poden incluso triplicar o seu rendemento (5000-6000 kg/ha).

Produción mundial de cereais

O comercio representa só unha pequena parte da produción mundial, e non medra ao mesmo ritmo ca produción. Por contra, a produción e o consumo si medran ao mesmo ritmo. Os stocks mundiais están preto dos 400 millóns de toneladas ao ano. Dado que o sistema de alertas impón un mínimo de 200 millóns de toneladas para estabelecer unha seguridade alimentaria, as reservas cubren sobradamente posíbeis desastres.

As tendencias en consumo, produción, comercio e reservas mantéñense nos tres grandes cereales (trigo, arroz e millo). No comercio de cereais o actor principal é o trigo. Os principais exportadores son EUA, Francia, Australia, Canadá, Rusia e Arxentina.