A Socialización Humana: Etapas, Identidade e Resocialización
A Identidade Social e os Procesos de Socialización
A Identidade Social
Proceso de socialización polo que adquirimos unha identidade. Con iso daremos un paso máis para afondar en quen somos e como construímos a nosa realidade persoal.
A Socialización e as Súas Formas
A socialización é o proceso polo que un individuo interioriza a cultura da sociedade en que vive. Aínda que este proceso se prolonga durante toda a vida do individuo, podemos distinguir nel tres etapas principais:
- Socialización Primaria
- Socialización Secundaria
- Resocialización
Socialización Primaria
É a parte máis importante do proceso. Ten como obxectivo introducir o suxeito na sociedade e desenvólvese no seo da familia durante a nenez.
Nesta primeira etapa, na que o neno ou a nena se apropia dos roles, das actitudes e dos valores das persoas, aprende a aceptar e a entender o que fan, identificándose con eles e co mundo en que participan.
Pouco a pouco, o neno ou a nena vai interiorizando os roles e as normas a través dun proceso de xeneralización progresiva. O proceso de socialización primaria non é meramente cognoscitivo ou intelectual, senón que ten unha gran carga emocional.
Socialización Secundaria
É un proceso polo que se interiorizan mundos institucionais que contrastan co mundo de base adquirido na socialización primaria. No entanto, nesta outra etapa, dentro de certos límites, poderán optar e elixir o sector social onde queren introducirse, interiorizando as regras do xogo que funcionan nel.
A interacción social ten unha menor carga afectiva e os papeis sociais achegan un alto grao de anonimato. Os papeis sociais son máis intercambiables ao separarse facilmente da persoa que os asume. Neste proceso de maduración poden aparecer crises de crecemento.
Resocialización
É un proceso que consiste na interiorización dos contidos culturais —é dicir, dos roles, das actitudes, dos valores, etc.— dunha sociedade distinta daquela en que o suxeito se socializou, ou ben de contidos novos.
Isto supón dúas cousas:
- O proceso de desmantelamento da anterior perspectiva da realidade.
- Unha nova identificación fortemente afectiva.
Adoita darse en situacións de crises profundas. O proceso inclúe unha nova interpretación da biografía.