O Sistema Financeiro Europeo: Funcións e Elementos Clave

O sistema financeiro

O sistema financeiro está formado polo BCE, os bancos nacionais de cada país, os activos financeiros, os intermediarios e os mercados.

1. Banco Central Europeo (BCE)

Tras a implantación da Unión Económica e Monetaria Europea (01-01-99), o BCE substituíu aos bancos nacionais como máximo dirixente do SEBC. As súas funcións son similares ás dos bancos centrais dos distintos países.

Funcións básicas do BCE:

• Definir e executar a política monetaria da zona do euro.
• Realizar operacións de divisas.
• Posuír e xestionar as reservas oficiais de divisas dos países membros da zona euro.
• Promover o bo funcionamento do sistema de pagos.

Outras funcións: Emisión de billetes, estatísticas, estabilidade e supervisión financeira, e cooperación europea e internacional.

2. Activos financeiros

Son títulos emitidos por unidades económicas con déficit para financiarse. Representan riqueza para quen os posúe e un pasivo para quen os xera.

3. Intermediarios financeiros

Existen dous tipos principais:

• Bancarios: Algúns dos seus pasivos son aceptados como medio de pago (son diñeiro) e poden xeralo. Inclúen o BCE e os bancos nacionais.
• Non bancarios: Ningún dos seus pasivos é medio de pago (ex. a bolsa, compañías de seguros).

Operacións bancarias

Tanto as activas como as pasivas son operacións bancarias:

• Activas: Operacións de desenvolvemento, préstamos, créditos e hipotecas. Os activos atópanse na parte esquerda do balance e representan os bens materiais (local, máquinas, etc.).
• Pasivas: Conxunto de obrigas ou débedas da empresa (préstamos ou obrigacións). Atópanse na parte dereita do balance.

O prezo do diñeiro e o Euribor

Prezo do diñeiro: É a taxa de xuro que cobra o BCE cando presta aos outros bancos (política monetaria para o control da inflación).

Euribor: É o tipo de interese ao que as entidades financeiras se prestan entre si no mercado interbancario do euro. Calcúlase como unha media dos tipos de interese dos préstamos entre os 60 principais bancos europeos e é o referente maioritario nos préstamos hipotecarios.