Principais Subxéneros Literarios: Definicións e Características

Himno

O himno é un canto que expresa sentimentos positivos, de ledicia e celebración. Tamén pode ser unha composición musical que identifica a unha colectividade, unha rexión, un pobo ou unha nación e que une a quen a interpreta.

Oda

A oda é unha composición poética de ton elevado, que trata asuntos diversos entre os que se recolle unha reflexión do poeta. Segundo o tema que se cante, pode ser relixiosa, heroica, filosófica ou amorosa. En xeral, aplícase a todo poema destinado a ser cantado.

Elexía

Subxénero que designa, polo xeral, todo poema de lamento. A actitude elexíaca consiste en lamentar calquera cousa que se perde: a ilusión, a vida, o tempo, un ser querido, un sentimento, etc.

Canción

Antiga composición poética, que respondía a distintos xéneros, tons e formas, moitas cos caracteres da oda. Composición lírica á maneira italiana, dividida case sempre en estancias longas, todas de igual número de versos hendecasílabos e heptasílabos, menos a última, que é máis breve.

Égloga

Subxénero que se dialoga, ás veces, coma unha pequena peza teatral nun só acto. De tema amoroso, un ou varios pastores desenvólveno nun ambiente rural onde a natureza é paradisíaca.

Sátira

Subxénero que expresa indignación cara a alguén ou algo, con propósito moralizador, lúdico ou burlesco. Pode ser en prosa ou verso ou alternando ambas as formas. Na sátira, os vicios individuais ou colectivos, as tolemias, os abusos ou as deficiencias maniféstanse por medio da ridiculización, a farsa, a ironía, usando a arma da intelixencia.

Epístola

É un escrito dirixido ou enviado a unha persoa ou grupo de persoas, con forma de carta e con intención didáctica, moral ou distractiva.

Epigrama

Composición poética breve que expresa un só pensamento principal, festivo ou satírico, de forma intelixente.

Pranto

Tipo de elexía de carácter culto, propio da Idade Media, na que o poeta lamenta o óbito dun ser querido.

Epitafio

Texto que honra o defunto, inscrito nunha lousa ou placa. Tradicionalmente, un epitafio está escrito en verso, pero hai excepcións.

Epitalamio

Subxénero lírico grego, imitado despois polos romanos, destinado aos cantos nunha voda. Actualmente, é usado para resaltar a solemnidade dun acto calquera, coma vodas, enterros, misas...