A Nova Narrativa Galega (NNG) e a Obra de Carlos Casares

A Nova Narrativa Galega (NNG)

Pertencen á Nova Narrativa Galega (NNG) as obras publicadas entre 1954, coa publicación de Nasce nunha árbore de Gonzalo Mondullo, e 1971, coa publicación de Adeus, María de Xohana Torres.

Os autores que a compoñen participan dalgunhas características comúns, como pode ser a orixe social ou a formación universitaria, e teñen os mesmos obxectivos:

• A renovación da narrativa galega.
• O mantemento dunha actividade cultural e política galeguista.
• A recuperación das Festas Minervais.
• A participación na aparición do nacionalismo de esquerdas (UPG e PSG, na clandestinidade).

Teñen total compromiso coa lingua galega e soamente escriben en galego.

Características da NNG

Algunhas das características da NNG son:

• Expresión do absurdo da existencia: presentan un mundo sen sentido a través da inadaptación dos personaxes ao medio.
• Intimismo e introspección.
• Recorren a miúdo a un mundo simbólico.
• Utilizan o obxectalismo (descrición minuciosa dun obxecto), influencia do Nouveau Roman francés.
• Aparece o multiperspectivismo (un relato pode ter varios narradores).
• Predomina o monólogo interior.
• Os espazos son urbanos, a miúdo claustrofóbicos e sórdidos. Tamén aparece a xustaposición de planos temporais.
• Os personaxes están desprovistos de caracterización psicolóxica; aparecen como seres anónimos, desarraigados, desorientados, violentos, agresivos e, a miúdo, inmersos en estados patolóxicos.

Carlos Casares

Nado en Ourense e finado en Vigo, foi un escritor en lingua galega, crítico literario e político. Estudou en Santiago de Compostela, cidade na que entrou en contacto con representantes do galeguismo, como Ramón Piñeiro. Foi director da editorial Galaxia e da revista Grial. Cultivou sobre todo a narrativa. É de destacar, tamén, o traballo como columnista, principalmente en La Voz de Galicia, recollido en sete volumes publicados por Galaxia titulados Á marxe. O ano 2017 dedicóuselle o Día das Letras Galegas.

Características das súas obras

• Os temas céntranse en conflitos sociais e no estudo da alma humana.
• As accións desenvólvense en ambientes urbanos.
• Partindo de sucesos aparentemente reais, engade elementos fantásticos.
• Constante presenza do mal, orixinado pola mentira, a vinganza, a envexa, a calumnia, etc.
• Abundancia de personaxes pertencentes ao clero.
• Utiliza o humor e a ironía.

Etapas na súa narrativa

Na súa narrativa distinguimos dúas etapas:

1. Etapa de renovación formal ou NNG

   Nesta etapa aparece o monólogo interior, o obxectivismo ou obxectalismo. Destaca tamén pola ruptura sintáctica e por un narrador en segunda persoa. Pertencen a esta etapa dúas obras: Vento ferido e Cambio en tres:

   • Vento ferido

     Está formado por 12 relatos nos que predominan a frustración, a violencia, a soidade e a angustia.

   • Cambio en tres

     É a primeira novela contada en forma de monólogo por un emigrante que regresa a Galicia para acompañar o cadáver dun compañeiro morto nun accidente en París. Neste traxecto vai lembrando situacións e feitos, mesturados con vivencias persoais.

2. Etapa de madurez

   Non pertence á NNG. Nela ambienta as súas obras nun pasado histórico utilizando técnicas próximas ao realismo. Obras principais: Ilustrísima e Os mortos daquel verán.