A Literatura Galega: Vangardas e Autores Clave do Século XX

As vangardas son movementos artísticos que xorden no primeiro terzo do século XX en Europa e que pretenden a renovación artística. En literatura, danse esencialmente en poesía.

Características das Vangardas

• Liberdade e orixinalidade creativa.
• A arte é un fin en si mesma, polo tanto, rexeita calquera regra, sexa natural ou artística.
• Renovación da linguaxe poética: verso libre, ausencia de puntuación, incorporación de léxico técnico.

Hilozoísmo

A temática é a Natureza, que se presenta humanizada mediante personificacións, pero con métrica e rima tradicionais. Recorre tamén a elementos sonoros e visuais.

Neotrobadorismo

Utiliza elementos das cantigas medievais xunto con imaxes vangardistas.

Vangarda Plena

Pretende rachar cos clásicos seguindo esencialmente o creacionismo.

Manuel Antonio: Poeta Vangardista

Manuel Antonio é o poeta de vangarda máis orixinal e innovador.

A Prosa de Vangarda

A prosa de vangarda non é moi abundante. Destaca Rafael Dieste coa obra Dos arquivos do trasno.

Álvaro Cunqueiro: Realismo Máxico

A súa obra narrativa enmárcase no realismo máxico e ten os seguintes trazos:

• Novelas construídas a base de relatos que se acumulan.
• Predominio da oralidade.
• Mestura do máxico ou extraordinario con elementos cotiáns; o real e o fantástico, o popular e o mítico están unidos sen que sorprendan ao lector.
• Obra moi orixinal e con toques de humor.

Novelas Destacadas de Cunqueiro

• Merlín e familia
• As crónicas do Sochantre
• Se o vello Sinbad volvese ás illas

Libros de Relatos de Cunqueiro

Escola de menciñeiros, Xente de aquí e de acolá e Os outros feirantes son pequenos relatos, semblanzas de personaxes galegos, reais ou imaxinarios.

Poesía de Cunqueiro

Realizou algún poemario.

Ánxel Fole: Galeguista e Escritor

Foi un importante galeguista na época da República, fundador da Revista Yunque. O seu activismo político e cultural obrigouno a fuxir do Lugo natal a terras máis montañosas de Quiroga.

Literatura Galega no Exilio

Poesía no Exilio

A poesía no exilio será un dos xéneros máis cultivados, retomando o ton cívico e social.

Luís Seoane

Denuncia social e tema do exilio. Título: Fardel de exiliado.

Emilio Pita

Trata as consecuencias da guerra. Título: Jacobusland.

Lorenzo Varela

Trata a súa experiencia no exilio. Título: Lonxe.

Narrativa no Exilio

A prosa da diáspora queda eclipsada pola obra de Eduardo Blanco Amor; un dos mellores escritores en lingua galega, cultiva todos os xéneros. Títulos destacados: A esmorga, Os biosbardos e Xente de lonxe.