A Gran Depresión: Causas e Consecuencias Económicas

A Gran Depresión

Causas Principais

• Prodúcese unha sobreprodución industrial. Diversos indicadores da actividade industrial amosan que o ritmo do crecemento estaba a desacelerarse nos Estados Unidos.
• Prodúcese unha crise de liquidez (falta de recursos monetarios para lle facer fronte ao pagamento das débedas) como consecuencia do crack da bolsa, que favoreceu a expansión da crise.
• A caída das accións provocou a necesidade de liquidez e forzou a retirada de investidores en Europa e a cancelación de moitos créditos.
• Produciuse o desexo de vender a calquera prezo (deflación).
• Produciuse a caída do consumo. Diversas causas influíron neste descenso:
  • Diminución da capacidade adquisitiva, daqueles que investían en bolsa.
  • O temor a ser despedidos.
  • A caída dos prezos agrarios.
  • O endebedamento provocado pola adquisición a crédito.

Consecuencias Devastadoras

A sobreprodución, a falta de diñeiro e a caída do consumo fixeron que a crise da bolsa se convertese nunha crise que afectou a toda a economía.

• Crise bancaria:
  • Os debedores non podían devolver os seus préstamos. A maioría dos bancos aceptaran accións da bolsa como garantía dos préstamos.
  • O medo á quebra dos bancos asustou a poboación, que retirou os efectivos das contas.
  • As entidades financeiras non puideron repoñer os depósitos bancarios pola falta de recursos monetarios.
  • Para superar as dificultades, os bancos reduciron enormemente a concesión de créditos para a industria e o consumo. Isto agravou aínda máis a conxuntura.
• O pesimismo e a falta de confianza implicaron unha drástica redución dos investimentos.
• A ruína dos investidores bolsistas e a diminución do crédito provocaron o descenso do consumo.
• Os stocks aumentaron entre 1929 e 1932.
• Crise industrial:
  • O subconsumo e a caída dos investimentos iniciaron a crise industrial.
  • Desapareceron empresas.
  • Aumentou o desemprego.
• Impacto social:
  • A depresión tivo grandes consecuencias sociais e a pobreza espallouse entre amplas capas da poboación.
  • Moitos perderon os seus aforros.
  • O desemprego agravou máis a contracción da demanda.
  • Ao diminuír a demanda, descendeu de novo a produción industrial e agraria.