Filosofía Política: Locke, Iusnaturalismo e Ilustración

John Locke: Empirismo e Contrato Social

John Locke é un pensador empirista do século XVII. Defende a idea de que o ser humano é social por natureza. As persoas dan orixe á sociedade civil a través do consenso, do pacto entre iguais, respectando a vontade e renunciando, en parte, á propia liberdade, coa finalidade de salvagardar os dereitos naturais: vida, saúde, liberdade e propiedade.

Aristóteles e o Home como Animal Político

Pero que o home é social por natureza xa fora un tema tratado por Aristóteles no s. IV a.C. Este dicía que o home, por natureza, é un “animal político”, ou sexa, un ser que necesita, esencialmente, convivir. Por conseguinte, a política serve para construír o mellor posible unha vida humana.

A cidade, a polis, é o espazo axeitado en que o home delibera e elixe.

Ideas Fundamentais da Organización Aristotélica do Estado

• Harmonía dos cidadáns para que se alcance o que convén a todos.
• A autarquía, que fai referencia á independencia e autosuficiencia da polis.
• A educación, que é a tarefa esencial do Estado, ten como meta crear os mellores cidadáns.

O Iusnaturalismo: Dereitos Fundados na Natureza Humana

O iusnaturalismo é unha teoría ética e un enfoque filosófico do dereito que postula a existencia de dereitos do home fundados na natureza humana, universais, anteriores á comunidade política.

Iusnaturalismo Teolóxico na Idade Media

Na Idade Media existía un iusnaturalismo teolóxico, coas normas establecidas por Deus. Tomé de Aquino no s. XIII distinguía tres tipos de leis:

• A lei eterna é o plan de Deus para o goberno do universo.
• A lei natural é a participación da criatura racional da lei eterna.
• A lei positiva, creada polo home seguindo os preceptos impostos pola lei natural.

Iusnaturalismo Racionalista no Século XVI

No s. XVI deuse un iusnaturalismo racionalista. O racionalismo considera que a razón é a principal fonte de coñecemento e defende a existencia de ideas innatas. Son formas creadas pola razón humana.

Pensadores da Ilustración e a Visión do Estado

Xa no s. XVIII, na Ilustración, tres pensadores dan a súa opinión sobre o Estado:

• Montesquieu: defende a existencia de tres poderes (Lexislativo, Executivo e Xudicial).
• Voltaire: defende a tolerancia relixiosa.
• Rousseau: antes de vivir en sociedades o home é bo e feliz; a sociedade corrómpeo. Este é un pacto para conseguir o maior ben para todos.

Conclusión: A Visión de Locke sobre a Sociedade Civil

Para Locke o ser humano é social por natureza. As persoas dan orixe á sociedade civil a través do consenso, do pacto entre iguais, coa finalidade de salvagardar os dereitos naturais: vida, saúde, liberdade e propiedade.