Evolución da Prosa Galega no Século XX: Autores e Tendencias

A prosa galega alcanzou nas últimas décadas do século XX un gran desenvolvemento, tanto en calidade como en cantidade.

A Prosa Galega nas Décadas Finais do Século XX

Década de 1975-1980: Ensaio e Renovación

Conviven autores consolidados como Álvaro Cunqueiro e Xosé Luís Méndez Ferrín con autores da nova narrativa galega como Carlos Casares. É unha etapa de ensaio na que se quere facer unha novela galega popular e téntase renovar o xénero temática e formalmente.

• Obras destacadas:
  • Xosé Fernández Ferreiro: Reportaxe cósmica ou A morte de Frank González.
  • Rei Ballesteros: Dos anxos dos mortos.

Década de 1980: Liñas Temáticas e Autores Representativos

Destacan catro liñas temáticas con cinco autores representativos nesta década:

• Liña intimista: Xavier Alcalá con A nosa cinza.
• Novela histórica: Víctor Freixanes con O triángulo inscrito na circunferencia; Alfredo Conde con Xa vai o griffón no vento (Premio Blanco Amor).
• Novela negra ou policial: Carlos Reigosa, Crime en Compostela.
• Narrativa experimental: Suso de Toro, un dos autores con máis éxito na narrativa actual, con Polaroid.

Década de 1990: Consolidación de Tendencias

Dentre as tendencias temáticas que se consolidan neste período, destacamos:

• Liña intimista:
  • Xosé Luís Méndez Ferrín: No ventre do silencio.
  • Ramón Pena: Fado da princesa.
• Novela histórica:
  • Xesús Rábade Paredes: As sombras do Barroco.
  • Darío Xohán Cabana: Galván en Saor.
• Manuel Rivas: Referente na literatura galega e autor de difícil clasificación. Extraordinario observador da Galicia de hoxe, nas primeiras obras analiza a tensión entre a tradición e a modernidade. Relatos como A lingua das bolboretas ou máis recentes como O lapis do carpinteiro, buscan a recuperación da memoria histórica, centrándose especialmente no período da Guerra Civil Española.
• Novela de xénero:
  • Novela negra: Aníbal Malvar, Unha noite con Carla.
  • Aventuras: Xosé Miranda, Morning Star.

Outras Tendencias e Autores Relevantes

• Narrativa da Muller:
  • Mª Xosé Queizán: Amor de tango.
  • Marilar Aleixandre: A expedición do Pacífico.
  • Rosa Aneiros: Resistencia.
• Entremesturas de Xéneros.
• Narrativa Infantil e Xuvenil:
  • Agustín Fernández Paz.
  • Fina Casalderrey.
  • Xabier DoCampo.

Nos últimos anos, continúase traballando nas liñas narrativas iniciadas nos 80 e consolidadas nos 90.