Estudo da Narrativa Galega: Século XX e XXI

Tendencias e Autores da Narrativa Galega

Tendencias da Narrativa Galega

• Obras que fan referencia á Guerra Civil ou anos próximos a ela.
• Relato popularizante: narracións inspiradas nas fórmulas do relato oral e en tipos e motivos da tradición popular.
• Narrativa de carácter social e autobiográfica.
• Experimentalismo: tendencia representada polos membros da NNG.

Relato Popularizante: Ánxel Fole

Traslada ao texto escrito as fórmulas da narración oral. As súas obras máis destacadas son A lus do candil e Terra brava. Mestura elementos de carácter fantástico, recurso do humor, formando o eixe definidor dunha narrativa que se alicerza nas terras bravas de Lugo. O autor relata en primeira persoa como testemuña directa ou moi ben informado do que conta.

Narrativa Social: Xosé Neira Vilas

• Autor dun conxunto de volumes que conforman o que se denomina como o ciclo do neno-adolescente. Cómpre engadir Cartas a Lelo e Aqueles anos do Moncho.
• En Camiño bretemoso e Remuíño de sombras xorde o mundo da inmigración.

Narrativa de Álvaro Cunqueiro

• Primeiro grupo: Merlín e familia, As crónicas do sochantre e Se o vello Simbad volvese ás illas. Son narracións entrelazadas por un nexo común, xeralmente o marco onde son narradas.
• Outras obras destacadas inclúen Escola de menciñeiros, Xente de aquí e acolá e Outros feriantes.

Narrativa de Eduardo Blanco Amor

Destacan os textos: A esmorga e Xente ao lonxe.

• Emprega técnicas estilísticas modernas, como o monólogo dramático.
• As súas obras transcorren nun espazo urbano ou semiurbano, Auria, translación literaria de Ourense.
• As dúas protagonistas proceden de clases sociais baixas.
• Vemos un cadro de costumes e tipos que amosan unha panorámica da sociedade do tempo no que transcorren os feitos.
• Os protagonistas aparecen deseñados na súa complexidade.
• O autor tenta levar adiante un verdadeiro exercicio de linguaxe.

Publica tamén Os biosbardos (7 narracións de relatos breves).

• Todos narrados en primeira persoa, con protagonista infantil ou adolescente.
• O marco é urbano ou semiurbano.
• A estrutura familiar amosa o pai de xeito negativo, e as nais idealizadas.
• Os protagonistas amosan unha conciencia clara da súa singularidade, son seres solitarios e incomprendidos.