Estrutura e Tipos de Argumentos: Guía de Retórica Galega

Cuestións I: Estrutura e Tipos de Argumentos

Un argumento é un discurso no que o autor dá razóns para sustentar unha opinión, de maneira que un enunciado, ao que chamamos conclusión, está sustentado por outros enunciados chamados premisas.

Pódense distinguir dous dominios argumentativos e tres tipos de argumentos:

• Dominio Teórico

  • Argumentos teóricos: Son os que tratan de que crer ou ter por verdadeiro. A conclusión expresa que tal cousa é un feito.

• Dominio Práctico

  • Argumentos normativos: Tratan de que facer. A conclusión indica unha recomendación ou unha orde.
  • Argumentos valorativos: Tratan de que preferir ou valorar. A conclusión é unha valoración, tanto positiva como negativa.

Os Tres Métodos para Convencer

Aristóteles explicou na súa Retórica que existen tres camiños posibles para convencer ou persuadir ás persoas:

• Éthos: Baséase na confianza e a credibilidade que teña a persoa que argumenta. Os seus argumentos posúen unha gran credibilidade debido á reputación da persoa que os di.
• Páthos: É o método que consiste na aplicación das emocións do público. Trátase de convencer usando argumentos que xeren certas emocións e sentimentos.
• Lógos: É o camiño de tratar de convencer con argumentos racionais, con conceptos claros e con datos suficientemente contrastados.

Tipos Básicos de Diálogos

A argumentación prodúcese case sempre no contexto dun diálogo, no que dúas ou máis persoas intercambian razóns para tratar de alcanzar un fin compartido. Tipos de diálogos:

• Deliberación: Provén dun dilema ou elección práctica coa fin de coordinar obxectivos e accións para elixir o mellor curso de acción posíbel.
• Descubrimento: Provén da necesidade dunha explicación dos feitos coa fin de atopar e defender unha hipótese apropiada para elixir a mellor e contrastala.
• Disputa: Provén dun conflito persoal co fin de ofender ao opoñente para afondar no conflito.
• Indagación: Provén pola necesidade de probas co fin de adquirir ou dar información para o intercambio desta.
• Investigación: Provén pola necesidade de probas co fin de atopalas e contrastalas para probar ou rebatir unha hipótese.
• Negociación: Provén dun conflito de intereses co fin de satisfacer os propios para chegar a un acordo aceptable para todas as partes.
• Persuasión: Provén dun conflito de opinións co fin de persuadir á outra parte para resolver ou aclarar un asunto.