Desenvolvemento Socioafectivo: Xustificación da Educación Socioemocional
Introdución ao Desenvolvemento Socioafectivo
- 1. Xustificación da Necesidade da Educación Socioafectiva
Se queremos nenos capaces de vivir xuntos e de relacionarse pacificamente, capaces de empatizar cos demais, de prestar consolo, de axudar verbal e fisicamente ós outros, de valorar positivamente ós demais, de escoitalos, de compartir, de cooperar e de resolver conflitos entre eles, así como facer fronte ás presións grupais, debemos deter a pensar como pasar da actual situación que deixa isto á casualidade a outra que o favoreza de forma sistemática e eficaz. Porque entón será máis sinxelo avanzar cara unha sociedade de persoas capaces de relacionarse positivamente cos demais, capaces de comunicar os seus desexos e sentimentos e de facer fronte construtivamente ás dificultades da vida.
Polo tanto, se queremos formar cidadáns competentes emocional e socialmente é necesario, en primeiro lugar, reflexionar e concienciarse sobre a transcendencia destas competencias, e en segundo lugar, empezar a traballar con elas desde os primeiros anos.
Entre os diversos argumentos que poden esgrimirse para xustificar a educación socioafectiva, destacan os seguintes:
- a. Situacións vitais: Como estímulos que causan tensión emocional e conflitos entre o que desexamos e o que deberiamos facer. Ante isto, necesitamos competencias socioafectivas que permitan facer fronte a estes estímulos e conflitos.
- b. Situacións educativas:
- A finalidade da educación no desenvolvemento da personalidade integral.
- O Informe Delors: catro piares da educación:
- Primeiro: aprender a coñecer.
- Segundo: aprender a facer.
- Terceiro: aprender a convivir.
- E o cuarto: aprender a ser.
- A educación emocional: aprender a convivir e aprender a ser.
- Dotar ao alumno de competencias emocionais e sociais para establecer relacións positivas entre os membros da comunidade escolar.
- Desenvolver competencias socioafectivas para facer fronte ao fracaso escolar, as dificultades de aprendizaxe, o abandono escolar, a ansiedade, etc.
- c. Situacións sociais:
- As relacións sociais son fonte de conflitos que afectan aos sentimentos (respostas violentas).
- Analfabetismo social que se manifesta en forma de conflitos, violencia e ansiedade.