Contexto e Estratexia Empresarial: Marco, Porter, DAFO e Localización
Contexto da Empresa e Estratexia Empresarial
A empresa nace e desenvolve a súa actividade nun espazo concreto, está inmersa nun determinado contexto lexislativo, social, político e de competencia que condiciona a súa existencia e funcionamento.
Marco externo da empresa
Segundo E. Bueno, o marco externo define o conxunto de condicionantes sociais, culturais, políticos e económicos, así como costumes, leis, lingua, relixión, etc., que inflúen na vida da organización.
Contorno xeral
Inclúe os factores económicos, tecnolóxicos, político-sociais, etc. É un contorno xenérico que comparten todas as empresas, aínda que se dediquen a actividades diferentes.
Contorno específico
Está formado por aqueles factores que manifestan características do sector propio da empresa: provedores, entidades financeiras, clientes, competencia, medio ambiente e infraestruturas.
Estratexia competitiva
A estratexia competitiva é a resposta que a empresa dá ao contorno no que se desenvolve. Segundo Porter, existen cinco forzas competitivas:
- Participantes potenciais
- Compradores
- Produtos substitutivos
- Provedores
- Rivalidade entre as empresas existentes
Segundo E. Bueno, a estratexia competitiva dun sector compón da competencia actual, da competencia potencial e do poder negociador dos axentes fronteira.
Axentes fronteira
Son o conxunto de axentes económicos e sociais que poden ter influencia na capacidade competitiva da empresa e requiren unha negociación. Son:
- Propietarios
- Provedores
- Clientes
- Poderes públicos
- Forzas sociais: asociacións empresariais, sindicatos, asociacións de consumidores e asociacións de defensa do medio ambiente
Método DAFO
O método DAFO (Debilidades, Ameazas, Fortalezas e Oportunidades) consiste en determinar os puntos débiles e fortes da zona, así como as oportunidades e ameazas. É un método de análise baseado en avaliar e diagnosticar os factores externos ou de contorno e os factores internos da empresa.
Matriz DAFO
A matriz DAFO é unha síntese do diagnóstico e constitúe o punto de partida para establecer as estratexias sobre as que se basearán as liñas de actuación e as accións concretas que se han de potenciar.
Criterios de localización
Son os criterios que determinan a localización da empresa e deben esixirse para:
- Minimizar os custos de produción
- Minimizar os custos de distribución
- Optimizar o acceso ao mercado
Variables de localización
A localización da empresa depende das seguintes variables:
- Uso da actividade
- Prezo do solo
- Posibilidades legais
- Proximidade aos factores de produción
- Infraestruturas
- Desenvolvemento económico da zona
- Posibilidades de ampliación