Comercio Internacional, Balanza de Pagamentos e Tipos de Cambio

O comercio internacional

Consiste no intercambio de bens e servizos entre distintos países.

Medidas proteccionistas

Moitos países poñen obstáculos ao comercio internacional con este tipo de medidas.

Principais medidas proteccionistas

• O arancel: Imposto que grava as importacións de bens doutro país.
• Cotas e continxentes: Son limitacións do número de bens que se poden importar de determinados produtos.
• As medidas de efecto equivalente: Supoñen trabas ás importacións a través de complexos trámites burocráticos que acaban por reducir as importacións.
• O dumping: Medida pola que unha empresa vende os seus produtos con perdas para eliminar a competencia.
• As axudas ou subvencións a empresas nacionais ou as exportacións. Utilízase para eliminar a competencia de empresas estranxeiras.

A balanza de pagamentos

É un documento contable en que se reflicten todos os intercambios financeiros e económicos internacionais que ten un país durante un período de tempo determinado. A súa estrutura é a mesma para todos os países. Dentro dela distínguense a balanza por conta corrente, a balanza de capital e a balanza por conta financeira.

Balanza por conta corrente

Reflicte intercambios de bens e servizos entre un estado e o resto de países. Divídese en catro subbalanzas:

• Balanza comercial ou de mercadorías
• Balanza de servizos
• Balanza de rendas
• Balanza de transferencias correntes

Divisa

Unha divisa é calquera moeda que non sexa a propia utilizada no interior dun país.

Tipo de cambio

É o prezo dunha moeda respecto a outra.

Sistemas de tipos de cambio

O BCE de cada país decide como establecer os tipos de cambio entre tres sistemas:

• Tipos de cambio flexibles ou flotantes: É o sistema máis habitual e consiste en que as forzas do mercado determinan o tipo de cambio.
• Tipos de cambio fixos: Algúns países, para evitar as oscilacións constantes, ligan a súa moeda a outra máis importante, de xeito que cando a moeda de referencia se aprecia tamén o fai a que tomou ese sistema e cando se deprecia sucede o mesmo ca outra.
• Tipos de cambio axustables: Combina as vantaxes dos dous sistemas anteriores.