Ciclo Menstrual, Formación da Orina e Sistema Inmunitario

Ciclo Menstrual: Fases e Regulación Hormonal

O ciclo menstrual normalmente sucede cada 28 días, pero pode alterarse por anorexia, outras enfermidades ou un golpe. Ten 4 etapas:

• Período menstrual

  Dura 4-5 días. Destrúese o endometrio, producindo unha hemorraxia.

• Fase postmenstrual ou rexenerativa

  Vólvese a formar o endometrio e dura 9 días.

• Fase de ovulación

  É o momento máis fértil, a partir do día 14.

• Fase premenstrual

  Dura 13 días e é a fase na que o endometrio se vai degradando.

Dende o punto de vista hormonal, o ciclo comeza no hipotálamo. Este mándalle unha orde á hipófise (glándula hormonal).

A hipófise segrega dúas hormonas: a hormona estimulante do folículo (FSH) e a hormona luteinizante (LH).

Estas hormonas viaxan polo sangue ata chegar ao ovario. Levan a orde de que os folículos empecen a madurar. Os folículos pasan por diferentes fases: folículo primario, secundario, terciario e de Graaf (durante 14 días).

Formación da Orina: Etapas Clave

Consta das seguintes etapas:

• Filtración glomerular

  Consiste no paso de certas substancias dende o sangue contido no glomérulo de Malpighi ao interior da cápsula de Bowman. Así se filtran a auga e a maioría das moléculas que circulan polo plasma sanguíneo. O líquido filtrado é semellante ao plasma sanguíneo, pero sen proteínas.

• Reabsorción tubular

  No seu percorrido polo túbulo do nefrón, unha gran parte das substancias filtradas son reabsorbidas. Entre esas substancias atópanse os nutrientes. Así mesmo, son reabsorbidos os minerais e a auga necesarios para que se manteña constante a súa concentración no sangue.

O Sistema Inmunitario: Defensa do Organismo

O sistema inmunitario é o conxunto de mecanismos no interior dun organismo que teñen a finalidade de protexelo das doenzas, identificando e eliminando os axentes patóxenos. Debe detectar unha gran variedade de axentes e precisa distinguilos das súas propias células e tecidos para ser eficaz.

Diversos organismos desenvolveron mecanismos para recoñecer e neutralizar patóxenos. Mesmo os organismos unicelulares simples posúen un sistema de encimas para protexerse das infeccións virais. Outros mecanismos inmunitarios básicos desenvolvéronse nas antigas células eucariotas (células cun núcleo diferenciado).