Átomos, Elementos e Compostos: Clasificación e Propiedades

Sustancias e Átomos

Sustancias ás que dan lugar os átomos

• Elementos: sustancias formadas por un só tipo de átomos.
• Compostos: sustancias que resultan da agrupación de átomos de distintos elementos.

Clasificación dos Elementos

Metais

• Brillo característico denominado brillo metálico.
• Conducen ben a calor e a electricidade.
• Pódense estirar en fíos maleables.
• Excepto o mercurio, son sólidos a temperatura ambiente e fúndense a alta temperatura.
• Tenden a perder electróns e formar ións positivos.

Non Metais

• Malos condutores da calor e a electricidade.
• A temperatura ambiente poden ser sólidos, líquidos e gas.
• A maioría dos sólidos son brandos.

Gases Nobres

• Encontranse na natureza como átomos illados.
• Gases a temperatura ambiente.
• Desde o punto de vista químico son moi estables: non forman compostos.
• As súas aplicacións están relacionadas coa súa estabilidade química. Úsanse nas lámpadas fluorescentes.

Bioelementos e Moléculas

Chámanse bioelementos os elementos químicos que forman parte dos seres vivos.

Son oligoelementos os elementos que están en menor proporción e que son indispensables para todos os seres vivos.

A CDR é a cantidade dun nutriente que unha persoa sa debe inxerir por termo medio cada día, a través, para manter un bo estado de saúde.

Unha molécula é unha agrupación de átomos que poden pertencer ao mesmo elemento ou a varios. É a parte máis pequena dunha sustancia que conserva as súas propiedades químicas. Unha sustancia molecular é un conxunto de moléculas.

Un cristal é unha forma de materia cunhas partículas que forman unha estrutura interna perfectamente ordenada que se estende nas tres direccións do espazo.

O que é moi sorprendente é que o átomo de carbono forma un nº de compostos moito maior ca o de todos os demais elementos químicos xuntos:

• O carbono forma a maior parte dos compostos que están nos seres vivos, por este motivo os compostos do carbono chamámolos orgánicos.
• O resto dos compostos chamámolos inorgánicos porque se encontran fundamentalmente no mundo inanimado, aínda que algúns tamén están presentes nos seres vivos.

Cambios Físicos e Químicos

Un cambio físico é unha transformación na que non varía a natureza da materia antes e despois do cambio, a materia represéntase pola mesma fórmula química. Entre os cambios físicos máis habituais encóntranse os cambios de estado.

Un cambio químico é unha transformación na que varía a natureza da materia. Antes do cambio a materia represéntase por unha fórmula química e despois por outra fórmula diferente. Os cambios químicos tamén se chaman reaccións químicas (aínda que non sempre sucede, é frecuente que cando se produce unha reacción química haxa un cambio moi notorio que nos indica que algo novo se está formando).

Segundo a teoría de colisións as reaccións químicas prodúcense cando as moléculas dos reactivos chocan entre si e rompen. Os átomos que se liberaron reorganízanse formando as novas moléculas.